С¤з боши ¤рнида

11-вазият: Компания 100000,0 АҚШ $га асосий воситани сотиб олди. Фойдали муддати 5 йил, қолдиқ қиймати 5000,0 АҚШ $.
Амортизацияни ҳисобланиши: Ечим. Ас=(Бқ – Кқ) / Хм, Ас = 19000,0 АҚШ $ (100000,0 -5000,0 / 5).

12-вазият: 2016 йил 1 январда компания асосий воситани 260000,0 АҚШ $га сотиб олди. Фойдали муддати дастлаб 8 йил ва қолдиқ қиймати 10000,0 АҚШ $ белгиланган эди. 2016, 2017 йилларда бу баҳолаш асосида ҳисоб юритилди. Тўғри чизиқли усулда амортизация ҳисоблайди ва ҳақиқий харажат модели бўйича ҳисобга олади. 2018 йил бошида компания асосий восита фойдали муддатини 5 йилга ва қолдиқ қийматини 7000,0 АҚШ $ га баҳолади. МҲХС (IAS) 8 “Ҳисоб сиёсатлари, бухгалтерия ҳисоби мақсадида баҳолашлардаги ўзгаришлар ва хатолар”га кўра аввалги йиллар амортизацияси тузатилмайди яни переспектив ҳисобга олинади. 2016 йилга эскириш (260000,0-10000,0)/8 йил = 31250,0 АҚШ $. 2017 йилга эскириш (260000,0-10000,0)/8 йил = 31250,0 АҚШ $. Йил охирига баланс қиймати 260000,0-31250,0-31250,0= 197500,0 АҚШ $. 2018 йилга эскириш (197500,0-7000,0)/5 йил = 38100,0 АҚШ $

Асосий восита объекти қадрсизланганлигини аниқлаш учун тадбиркорлик субъекти БҲХС 36 “Активларнинг қадрсизланиши” ни қўллаши керак. Ушбу стандартда тадбиркорлик субъекти активларнинг баланс қийматини қандай қилиб қайта кўриб чиқиши, активнинг қопланадиган қийматини қандай қилиб аниқлаши ва қадрсизланиш бўйича зарарлар қачон тан олиниши ва тикланиши кераклиги тушунтирилган.

13-вазият: Ишлаб чиқариш хажми усули Сиз мавсумий ишлаб чиқариладиган маҳсулотни синовдан ўтказиш учун нархи $100.000 бўлган ускуна сотиб олдингиз. Сиз берган баҳога асосан, ушбу ускуна фойдали ишлаш муддати давомида 20.000 дона маҳсулотни синовдан ўтказа олади. Ускунани тугатилиш қиймати нольга тенг. Ускунага ҳар бир синов ўтказилгандан кейин $5 амортизация ҳисобланади. Ҳисобот даври мобайнида 3.200 дона маҳсулот синовдан ўтказилади.