С¤з боши ¤рнида

3.1.4. Фоизлар, роялти ва дивидендлар

Ташкилотнинг фоизлар, роялти ва дивидендлар кўринишидаги даромадларни келтирувчи активларидан бошқа томонлар фойдаланиши натижасида ҳосил бўладиган даромад 30 бандда белгиланган асосда тан олиниши керак:
- операция билан боғлиқ бўлган иқтисодий наф ташкилот томонидан олиниши эҳтимоли мавжуд бўлганида; ва
- даромаднинг суммасини ишончли даражада баҳолаб бўлганда.
4-вазият: Сиз китобингизни АҚШда нашр этиш ҳуқуқини хар бир китоб учун 1$ ҳисобида сотасиз.Тўловлар давр охирида олти ойда бир бир марта амалга оширилиши лозим. 1-чи ой мобайнида АҚШда 400.000 нусха сотилади. 2-чи ой мобайнида 1 млн нусха сотилади. Лицензион тўловлар биринчи ой учун 400.000$ ва иккинчи ой учун 1 млн. Хажмида ҳисобланган.

Молиявий ҳисобот моддалари	ФЗҲ/ББ	Дт	Кт
Дебитор қарздорлик	ББ	400.000 $
Даромад	ФЗҲ		400.000 $
Даромадни тан олиш-1 чи ой
Дебитор қарздорлик	ББ	1 млн.$
Даромад	ФЗҲ		1 млн.$
Даромадни тан олиш-2 чи ой

Даромад қуйидаги асосда тан олиниши лозим:
- фоизлар эффектив фоиз ставкаси усулида тан олиниши керак;
- роялти тегишли шартноманинг моҳиятига кўра ҳисоблаш усули бўйича тан олиниши керак; ва
- дивидендлар, ҳиссадор томонидан тўлов олиниши ҳуқуқи кучга кирганида, тан олиниши керак.
Ташкилот қуйидаги маълумотларни очиб бериши лозим:
- даромадни тан олиш учун ташкилот томонидан қабул қилинган ҳисоб сиёсатлари, шу жумладан хизматларни кўрсатиш бўийча операциянинг тугалланганлик даражасини аниқлаш учун қабул қилинган усуллар;
- давр мобайнида даромаднинг ҳар бир муҳим тоифаси бўйича тан олинган сумма, шу жумладан қуйидагилар натижасида юзага келган даромад:
товарларни сотиш;
хизматларни кўрсатиш;
фоизлар;
роялти;
дивидендлар;
- даромаднинг ҳар бир муҳим тоифасига киритилган ва товарлар ёки хизматлар билан алмашиш натижасида ҳосил бўлган даромад суммаси.
Ташкилот ҳар қандай шартли мажбуриятлар ва шартли активларни БҲХС 37 “Резервлар, шартли мажбуриятлар ва шартли активлар” га мувофиқ очиб беради. Шартли мажбуриятлар ва шартли активлар кафолатлар бўйича харажатлар, даъволар, жарималар ёки эҳтимоли бор бўлган заралардан келиб чиқиши мумкин.