Suyultirilgan va yuqori bosimdagi gazlami saqlash va tashish ballonlari

12.10-rasm. Temiryo‘l va estakadalarni yerga ulash: 1 – kesimi 6 mm² bo‘lgan yumshoq mis sim; 2 – ulash klemmalari; 3 – yumshoq shlanglar; 4 – 40X4 bo‘lgan po‘lat tasma; 5 – yerga ulagich
To‘kish-quyish tizimida rezina shlang ulanishi zarur. Elektr zaryadlarni yaxshi o‘tkazib yuborish uchun yuqori elektr toki o‘tkazuvchan, ichki qismi benzin va moyga chidamli bo‘lgan rezina shlanglar ishlatiladi.

Favqulotda neft mahsulotlarini to‘kilish ehtimolini hisobga olib estakada maydoni bir tomonga nishablik holatida chiqarib yuborish lotoklari bilan jihozlanadi. Lotoklar gidravlik yopish moslamalari orqali to‘plash havzalari yoki ishlab chiqarish kanalizatsiyalariga ulangan bo‘ladi.

Sodir bo‘lgan yong‘inni tarqalib ketishini oldini olish maqsadida neft mahsulotlarini olib kelish yoki yuborish quvurlari va bug‘ quvurlariga olov to‘sqich moslamalari o‘rnatiladi, estakadalar, bino va inshoatlar hamda turli elementlar o‘zaro xavfsizlik masofasida joylashtiriladi.

Suyultirilgan gaz tashuvchi avtotsisternalardan gazni to‘kib olish ulardan biri mas’ul qilib tayinlangan ikki nafar ishchilar nazorati ostida amalga oshirilishi lozim. To‘kib olish kunduzgi vaqtda amalga oshirilishi kerak. Gazni qorong‘i vaqtda to‘kib olishga ish joyi yetarli darajada yorug‘lik bilan ta’minlangan holatdagina ruxsat etiladi.