Suyakli baliqlar muskul sistemasining umumiy tuzilishi

Baliqlarning muskul sistemasi

Baliqlarda tana harakati muskul sistemasi orqali amalga oshiriladi, hamda baliq organizmida issiqlik va elektr quvvati hosil bo‘ladi. Boshqa umurtqali hayvonlar singari baliqlarning muskullar sistemasi tana va ichki organlar muskullariga bo‘linadi. Tana muskullari bosh muskullari, dum muskullari va suzgich qanotlari muskullariga bo‘linadi. Baliq ichki organ muskullari o‘ziga xos bo‘lgan muskullardan iborat.

Morfologik jihatdan baliq muskullari muskul tolalaridan (miotsidlardan) iborat. Baliq muskul to‘qimasi quyidagilarga bo‘linadi: ko‘ndalang targ‘il va silliq muskul to‘qimasiga. Muskul tolalari miofibrilladan tuzilgan. Har bir miofibrilla o‘zaro navbatlashgan qoramtir va oqimtir disklardan iborat. SHu munosabat bilan tolalar ko‘ndalang bo‘lib ko‘rinadi. Bunday muskullarga tana va yurak muskullari tegishli. Silliq muskullar ko‘ndalang to‘siqsiz. Hazm sistemasi, ayirish sistemasi va tomirlar sistemasi silliq muskul to‘qimasidan tuzilgan.Balikning muskul sistemasi 6-rasmda kursatilgan.