Suvda ha quruqda yashovchilar yoki amfibiyalar sinfi – amphibia. Ko’l baqasining skeleti va teri tuzilishi

epifizi quymich kosaga joylashuvchi bosh bilan tugaydi. Boldir suyagining proksimal uchida ham biriktirish yuzalari bo’lib, ular tizza birikishini hosil qilishda ishtirok etadi. Oyoqning ikkala bolder suyaklari birlashib, bitta suyak hosil etgan va ular orasidagi chegara aniq ko’rinadi. Bu
chegaraning ichkari tomonida joylashgan qismi katta boldir, tashqari tomondagisi esa kichik
boldir suyagidir.n Oxirgi bo’lim oyoq kafti oldingi oyoqda qanday bo’lsa, keyingi oyoqda qam xuddi shunday tuzilgan. Oyoq kaftida beshta barmoqlari yaxshi rivojlangan, oltinchi barmog’i
reduksiyaga uchragan. Tovonning proksimal qatori faqat uzunchoq ikkita suyakdan iborat bo’lib, ulardan bittasi boldir suyagining ichki qismi distal uchiga birikkan bo’lib, ostibiale, ikkinchisi, ya’ni sirtdagisi ostibulare deb yuritiladi. Ba’zan bu suyaklar boshqacha nomlanadi, chunonchi: birinchisi - to’piq, ikkinchisi – tovon deyiladi. Bu ikkita suyaklarning proksimal uchlari bilan boldir suyagining distal uchlarining o’zaro harakatchan birikishidan boldir-tovon bo’g’imi yuzaga keladi. Tipik holda ikki qator bo’lib joylashgan tovon suyaklari oralig’ida juda kichik markaziy suyakcha bor. Tovonning distal qatorida kichik distalia va distale 2+3 suyakchalari birlashmasidan hosil bo’lgan katta suyaklargina saqlanib qoladi. Kaft beshta uzunchoq suyakchalardan tashkil topgan. Ularga barmoq falangalari birikadi.
Baqalarda eng uzun barmoq IV dir. Baqaning qadimgi ajdodlarida birinchi barmoq oldidagi
qo’shimcha, ya’ni VI barmoq rudiment holda saqlangan. Keyingi oyoq kamari, ya’ni tos kamari sharoitga bir qancha moslashgan bo’lsa-da, boshqa quruqlikda yashovchi hayvonlar tos kamaridagi kabi uch juft elementdan tashkil topgan. Bu elementlarning proksimal uchlari qo’shilib, quymich kosasini tashkil etadi. Agar quymich kosasini
yon tomondan kuzatsak, uning ustida yonbosh suyak joylashganini ko’ramiz. Kamarning qolgan
ikkita elementidan biri - qov qismi tog’ayligicha qolib, uning orqasidan quymich suyagi
joylashgan.

Topshiriqlar:

Baqa yoki qurbaqaning umumiy skeleti, tanasining turli bo’lim umurtqalari, oldingi va

orqa oyoq skeletlari kamarlari bilan va bosh skeletini o’rganib bo’lgach, albomga quyidagi
rasmlarni chizib oling:

1 Baqaning umumiy skeleti;

2.Baqaning bosh skeleti (ustidan va ostidan ko’rinishi);

3. Baqaning tana umurtqasi;

4.Baqaning yelka kamari va oldingi oyoq skeleti;

5.Baqaning tos kamari va orqa oyoq skeleti.