Сув истеъмолчилари уюшмасида молиявий бошқарув бўйича тренинг материаллари

СИУ шартномалари, аъзолар ва сув беришни ҳисобини юритиш

• Ўзбекистон Республикасининг «Сув ва сувдан фойдаланиш тўғрисида»ги қонунига асосан сув истеъмолчилари уюшмаси ва унинг хизмат кўрсатиш зонасида жойлашган аъзолари, шунингдек бошқа қишлоқ ва сув хўжалиги органлари ҳамда ўзга юридик ва жисмоний шахслар ўртасидаги сувга доир муносабатлар шартнома асосида тартибга солинади.
• СИУ сув етказиб бериш ва техник хизмат кўрсатиш бўйича аъзо ва аъзо бўлмаган сув истеъмолчилари билан, ҳамда махаллалар билан ҳам шартномалар тузишлари керак

Сув истеъмолчиларни қайд қилиш

• Сув истеъмолчиларнинг ҳар йил янгиланадиган номи, ер майдони, ушбу ерларнинг жойлашган манзили, ер эгаси ёки ижарачининг исми кўрсатилган, аъзолар рўйхати;
• Аъзолар рўйҳатидагидек маълумотлар кўрсатилган СИУ аъзолари бўлмаганлар рўйхати;
• Тўлов бўйича қарздорлик, СИУга аъзолар ва аъзо бўлмаганларнинг аниқ тўловлари ҳақида қайд китоби;
• СИУ хизмат кўрсатаётган ҳудуд ҳаритаси;
• Куйидаги маълумот кўрсатилган сув таъминоти бўйича ҳисоботлар: (1) экин майдони, (2) сув истеъмолчилар томонидан олинган сув ҳажми, (3) фермерларнинг сув таъминоти учун талабномалари, (4) лимитлар ҳамда аъзоларга ва аъзо бўлмаганларга амалда етказиб берилган сув ҳажми, (5) сув истеъмолчилар томонидан амалга оширилган суғоришлар.

Ирригация хизмати учун бадалларни йиғиш

Тўловлар бўйича реал маълумотлар зарурияти

• СИУ тўловларни йиғиш тизими шундай бўлиши керакки, ирригация хизмати учун тўловларнинг асосий қисми фермерларга сув етказиб бериш бошлангунга қадар тўланган бўлиши лозим.
• Белгиланган тўлов муддатлари реал бўлиши ва фермерларда нақд пул маблағи ёки натура тўлов амалга ошириш учун «маблағ» мавжуд бўлган вақтга тўғри келиши муҳимдир.
• Масалан фермерларда май июл ойларида меваларни сотишдан тушган даромад (нақд пул билан), августда буғдойни сотишдан тушган даромадлар ва декабрда пахтани сотишдан тушган даромадлар мавжуд бўлади.