Suniy zamsh matosidan zardo'zlik naqshlari bilan bezatilgan qiz bolalar bashang jaketining yangi modelini loyihalash

So’nggi yillar mobaynida mamlakatimizda ijtimoiy-iqtisodiy islohatlarni yanada chuqurlashtirish, xalq xo’jaligini, sanoatning barcha sohalarini rivojlantirish borasida sezilarli ishlar amalga oshirilayapti. Jumladan, yengil sanoatda bir qancha tikuvchilik, poyabzal ishlab chiqarish korxonalari zamonaviy uskunalar bilan jihozlanmoqda, qo’shma korxonalar tashkil etilyapti. Hozirgi paytda tikuvchilik mahsulotlarining hajmini oshirish, sifatini yaxshilash uchun koxonalarni zamonaviy jihozlar bilan ta’minlash, ishlab chiqarishni kompleks mexanizatsiyalashtirish va avtomatlashtirish, tugallangan texnologik jarayonni ta’minlovchi ishlab chiqarish quvvatlarini yaratishga oid bir qancha ishlar olib borilmoqda. Poyabzal ishlab chiqarish sanoatida kam operatsiyali texnologiyalar, mikroprotsessor vositalari keng qo’llanilgan avtomatik boshqaruvchi sistemalarni, poyabzal ustki detallari uchun yangi to’qimachilik, trikotaj materiallarini hamda avtomatik va yarim avtomat mashina va apparatlarni qo’llash ko’zda tutilgan. Yengil sanoat mahsulotlari xilma-xil va o’zgaruvchan, texnologik jarayonlari murakkab sanoat tarmoqlaridan bo’lganligi sababli, shu soha mutaxassislaridan doimiy tadqiqotlar olib borish, ishlab chiqarishni tashkil qilishning ilg’or usullarini tatbiq etish, zamonaviy uskunalarni to’g’ri tanlash va ularni takomillashtirishga doir ishlarni bajarishlari talab etiladi.