Sun’iy nafas berish va yurakni massaj qilish

Sun’iy nafas berish va yurakni massaj qilish Ishdan maqsad:O‘tkir yurak va nafas yetishmovchiliklarida 1-tibbiy yordamni ko‘rsatishni o‘rganish Inson xushsiz xolatida birinchi navbatda uning yurak urishi va nafas olishi tekshirilishi kerak. Nafas olishini aniqlash uchun quloqni og‘ziga va bir qo‘lni ko‘krak qafasi ustiga qo‘yib tekshiriladi. Yurak urishi(puls)ni aniqlash uchun ikki barmoqni tomoq old tomonida rasmda ko‘rsatilganidek qo‘yiladi.

Odatda nafas va yurak urishi bir vaqtda to‘xtaydi. Ba’zan nafas o‘zi to‘xtashi xam mumkin bo‘lib, bunday xolatda faqat sun’iy nafas beriladi. Amalga oshiriladigan vazifalar ketma-ketligi quyidagicha: Insonni tekis va qattiqroq yuzaga osmonga qaratib yotqiziladi. (krovatda bo‘lmaydi) Inson chalqancha yotganda til ildizi nafas yo‘lini berkitib qo‘yadi. Shuning uchun boshni orqaga bir oz bukiladi. Bir qo‘l bilan iyagi ushlanib og‘zini ochiladi. Agar qusuq massa yoki boshqa narsa bo‘lsa, qo‘lga biror material o‘rab, tozalab tashlaniladi. Bir qo‘l bilan burun qisib turiladi(berilgan nafas burundan qaytmasligi uchun). Ikkinchi qo‘l bilan iyak ushlaniladi.

Nafas oling. Lablaringiz bilan uning og‘zini to‘liq xolatda yopib kuchli va bir tekis nafas bering. Nafas chiqishini ko‘krak qafasi ko‘tarilib tushishidan bilinadi. Agar bunday bo‘lmasa unda nafas yo‘li to‘silgan yoki xavo oshqozonga ketyapti. Xavo oshqozonga ketishini yomon asorati bu qayd qilishni kuchaytirishidir. Bu xolatdan saqlanish uchun boshni orqaga bukishga e’tibor bering.

1-2-3-4 gacha sanang va yana nafas bering. Nafas berganingizda o‘pkadagi qon kislorodga to‘yinadi. Bu qonni bosh miyaga yetkazish uchun endi yurakni massaj qilish kerak.

Qo‘llaringizni rasmda ko‘rsatilganidek to‘sh suyagi ustiga qo‘ying. Tirsaklarni bukmasdan o‘z tana vazningiz bilan bosing. 1 sekundda bir marotaba bosing. Jami 30 ta. Esingizda saqlang tana vaznni ishlatmasdan va tirsaklar bukilgan xolatda kerakli bosim berib bo‘lmaydi va bunday massaj foyda bermaydi(yosh bolalardan tashqari)! Taxminan ko‘krak qafasi 5 sm ga ezilishi kerak.