Sulton tex group

ІІІ.Иш берувчининг ҳуқуқ ва мажбуриятлари

3.1. Иш берувчи қуйидагиларга ҳақли:

3.1.1. Мазкур меҳнат шартномасига Ўзбекистон Республикаси Меҳнат кодекси ва меҳнат қонунчилигида қайд этилган шартлар асосида ўзгартириш ва қўшимчалар киритиш;
3.1.2. Жамоа музокараларини олиб бориш ва жамоа шартномасини тузиш;
3.1.3. Ходимни самарали меҳнати учун рағбатлантириш;
3.1.4. Ходимдан меҳнат интизоми, ички меҳнат тартиби қоидалари, меҳнат ва ёнғин хавфсизлиги қоидаларига риоя қилишини, корхона мулкига нисбатан эҳтиёт бўлишини талаб қилиш;
3.1.5. Иш берувчи ходимнинг розилигисиз меҳнат шартларини ўзгартиришга фақат технологиядаги, ишлаб чиқариш ва меҳнатни ташкил этишдаги ўзгаришлар, ишлар (маҳсулот, хизматлар) ҳажмининг қисқарганлиги, башарти бундай ўзгаришлар ходимлар сони ёки ишлар хусусиятининг ўзгаришига олиб келиши олдиндан аниқ бўлган ҳоллардагина ҳақлидир.Иш берувчи меҳнат шартларидаги бўлажак ўзгаришлар ҳақида ходимни камида икки ой олдин ёзма равишда огоҳлантириб тилхат олиши шарт. Кўрсатилган муддатни қисқартиришга фақат ходимнинг розилиги билан йўл қўйилади.Ходим билан меҳнат шартномаси у янги меҳнат шартлари асосида ишлашни давом эттиришни рад этганлиги сабабли бекор қилиниши мумкин.
3.1.6. Ишлаб чиқариш зарурияти ёки бекор туриб қолиниши муносабати билан ходимни унинг розилигисиз вақтинча бошқа ишга ўтказишга йўл қўйилади. Бундай ҳолда ходим соғлиғига тўғри келмайдиган бошқа ишга ўтказилиши мумкин эмас.Ходим вақтинча бошқа ишга ўтказилган даврда унга бажараётган ишига қараб, лекин аввалги ўртача иш ҳақидан кам бўлмаган миқдорда иш ҳақи тўланади.
3.1.7. Меҳнат қонунчилигида белгиланган тартибда ходимни интизомий ва моддий жавобгарликка тортиши;
3.1.8. Ходимларни компенсацияланган қўшимча меҳнатга жалб қилиш;
3.1.9. Ўзбекистон Республикаси меҳнат қонунчилигида белгиланган тартибда бошқа ҳуқуқларга.

3.2. Иш берувчи қуйидаги мажбуриятларга эга:

3.2.1. Ўзбекистон Республикаси меҳнат қонунчилиги нормаларига риоя қилиши;
3.2.2. Ходимга мазкур меҳнат шартномаси асосида иш жойини ташкил этиши;
3.2.3. Ходим хавфсиз меҳнат қилиши учун шароитлар яратиш, давлат нормаларига мувофиқ меҳнат муҳофазасини ташкил этиши;
3.2.4. Ходимни тегишли асбоб-ускуналар, техник ва меъёрий ҳужжатлар ва бошқа шу каби зарурий қийматликлар билан таъминлаши;
3.2.5. Жамоа шартномасини имзолаш учун тўлақонли ва ҳаққоний маълумотларни ходимга тақдим этиши;
3.2.6. Касаба уюшмаси тақдимномаси ёки ходим томонидан тақдим этилган аризасидаги холатларни кўриб чиқиши;
3.2.7. Ўзбекистон Республикаси меҳнат қонунчилигида белгиланган тартибда бошқа мажбуриятлар.