Сульфатли минераллар

Кимёвий таркиби. СаО 41,2%, S0
3
58,8%. Қўшимчалар
шаклида одатда анча миқдорда стронцийга эга.
Учраш шакли — йўғон устунли, кубик кристаллар. Кўп
ҳолларда ангидрит яхлит зич майда кристалли массани, баъзан
толали агрегатларни ҳосил қилади.
Оптик хоссалари. Ранги — кулранг, оқ, кулранг-кўк, тўқ
кўк, баҳорги эриётган музга ўхшаш. Баъзан ёрқин кўк, бинафша
ва оч қизил ажратмалари учрайди. Чизиғининг ранги — оқ ёки
кучсиз бўялган. Ялтироқлиги — шишасимондан ёғсимонгача,
уланиш текисликларида садафсимон. Шаффофлиги — шаффоф,
хира, яримшаффоф минерал.
Механик хоссалари. Уланиши — уч йўналишда мукаммал. 
Синиши — нотекис. Қаттиқлиги — 3 - 4, мўрт. Зичлиги — 2,9 -
3 г/см
3
.

---

Бош диагностик белгилари — ранги, ялтироқлиги,
қаттиқлиги.
Келиб чиқиши. Асосан хемоген-чўкинди, одатда гипс ва ош
тузи билан биргаликда; гидротермал - сульфидлар билан
биргаликда томирли минерал сифатида; метаморфик — гипс
дегидратациясида ҳосил бўлади. Ангидритнинг энг кўп қисми
чўкинди тоғ жинсларида учрайди. Кимёвий чўкинди (лагуналар
ва қуриётган денгиз ҳавзаларида) сифатида ангидрит деярли ҳар
доим гипс билан бирга учрайди. У ангидритли қатламларнинг ер
юзасига чиқишида нисбатан осон гипсга айланади.
Қўлланилиши — қурилиш ишларида бириктирувчи
материал (цемент); қишлоқ хўжалигида ўғит сифатида;
кимё саноати учун сульфат кислота ишлаб чиқаришда
фойдаланилади.

---

Гипс CaS0
4
2Н
2
0. Номи юнонча gypsos — бўр, оҳак сўзларидан
келиб чиққан бўлиб, минералнинг рангини ва унинг бириктирувчи
хоссаларини акс эттиради.