Sud buyrug’ini chiqarish bo’yicha talablar reja: I. Kirish. II. Asosiy qism

_{SUD BUYRUG’INI CHIQARISH BO’YICHA TALABLAR}
Reja:


I.Kirish.
II.Asosiy qism.

1. 
   Sud hal qiluv qarori tushunchasi va ahamiyati
   
2. 
   Sudning hal qiluv qaroriga nisbatan qo‘yiladigan talablar
   
3. 
   Hal qiluv qaroriga nisbatan qo‘yilgan navbatdagi talab uning asosli bo‘lishidir
   

III.Xulosa.
IV.Foydalanilgan adabiyotlar


KIRISH
Fuqarolik protsessual huquqi nafaqat yuridik oliy o‘quv yurtlarida, balki o‘rta maxsus ta’lim muassasalarida ham o‘qitiladigan fanlardan biri hisoblanadi. Zero, o‘rta maxsus ta’lim muassasalari o‘quvchilari fuqarolarning shaxsiy, siyosiy, iqtisodiy va ijtimoiy huquqlari, erkinliklari va manfaatlarini, shuningdek korxonalar, muassasalar, tashkilotlar, jamoat birlashmalari va fuqarolar o‘zini o‘zi boshqarish organlarining huquqlari hamda qonun bilan qo‘riqlanadigan manfaatlarining sud orqali himoya qilinishi masalalarini bilishi muhim ahamiyat kasb etadi. Aynan fuqarolik protsessual huquqi fanining asosiy maqsadi ham O‘zbekiston Respublikasining Konstitutsiyasida mustahkamlab qo‘yilgan inson huquq va erkinliklarini ta’minlash, jamiyatda qonuniylik va huquq-tartibotni mustahkamlash, fuqarolar o‘rtasida tinchlik va milliy totuvlikni ta’minlashga ko‘maklashish, fuqarolarning huquqiy madaniyatini yuksaltirish, qonun hujjatlarini takomillashtirish va uni amaliyotda qo‘llash samaradorligini oshirishdir.
Fuqarolik protsessual huquqi sohasida subyektiv huquqlarni sud orqali himoya qilish shakllari asosiy o‘rinni egallaydi. Subyektiv huquqlarni sud yoki boshqa shakllarda himoya qilish masalalarini puxta bilish bo‘lajak sudya, prokuror, advokatlar, yuriskonsultlar, notariuslar, turli davlat va nodavlat tashkilotlarida mehnat faoliyatini olib boradigan bo‘lajak mutaxassislarni tayyorlashda, ularning kasbiy faoliyatini rivojlantirishdagi muhim shartlardan hisoblanadi.Fuqarolik protsessual huquqini o‘rganish jarayonida o‘quvchida fuqarolik protsessi ishtirokchilari va manfaatdor shaxslarning huquq va qonuniy manfaatlarini sudda himoya qilish borasidagi bilim va dunyoqarash rivojlanadi, fuqarolarning huquq va manfaatlarini sud orqali himoya qilish trtibi va xususiyatlari bilan yaqindan tanishish imkoniyati yuzaga keladi, moddiy va protsessual huquq normalarini qo‘llash bo‘yicha ko‘nikmalar hosil bo‘ladi, fuqarolik ishlarini ko‘rish va hal qilishga doir qonunchilik va sudga oid protsessual hujjatlar bilan ishlashni o‘rganadi.
Fuqarolik protsessual huquqi fanini bilish fuqarolarning huquq va qonuniy manfaatlarini himoya qilish, o‘z vaqtida buzilgan huquqni tiklash borasida sudga murojat qilishda muhim ahamiyat kasb etadi.