Суд амалиётини умумлаштириш материаллари тўплами (кўчирмалар)

5. Лицензиат лицензиянинг амал қилишини тўхтатиб 
туришга олиб келган ҳолатларни судгача бартараф этган 
тақдир да, лицензиянинг амал қилишини тўхтатиб туриш 
тўғрисидаги ариза қаноатлантирилмайди.
Ўзбекистон Республикаси соғлиқни сақлаш вазирлиги 
хўжалик судига ариза билан мурожаат қилиб, «Sardor Denta» 
МЧжга тиббий фаолиятни амалга ошириш учун берилган лицен
-
зиянинг амал қилишини уч ой муддатга тўхтатишни сўраган.
биринчи инстанция судининг ҳал қилув қарори билан аризани 
қаноатлантириш рад этилган.
Ўзбекистон Республикаси президентининг 2011 йил 28 ноябр-
даги 1652-сонли Қарори, соғлиқни сақлаш вазирлигининг 2013 
йил 27 августдаги 290-сонли ҳамда 2013 йил 30 сентябрдаги 329-
сонли буйруқларига асосан МЧжнинг тиббий фаолияти юзасидан 
текшириш ўтказилган.

---

383
текшириш жараёнида МЧж томонидан Ўзбекистон Республи
-
каси Вазирлар Маҳкамасининг 2012 йил 29 мартдаги 92-сонли 
қарори билан тасдиқланган «тиббий фаолиятнинг лицензия
-
лаш тўғрисида»ги низомнинг 8-банди талаблари бузилганлиги, 
яъни МЧж бош врачи ўз вақтида малакасини оширмаганлиги 
аниқланган.
«Фаолиятнинг айрим турларини лицензиялаш тўғрисида»ги 
Ўзбекистон Республикаси Қонуни 22-моддаси биринчи қисмининг 
1-бандига асосан лицензиат лицензия шартномасида назар
-
да тутилган лицензия талаблари ва шартларини бузганлиги 
аниқланганда лицензиянинг амал қилиши тўхтатиб турилиши 
мумкинлиги белгиланган.
суд мажлисида аниқланишича, МЧж бош шифокори 
Ўзбекистон Республикаси соғлиқни сақлаш вазирлиги тошкент 
врачлар малакасини ошириш институтида малакасини оширган 
бўлиб, бу ҳақда унга тегишли сертификат берилган ҳамда ушбу 
сертификат нусхаси судга тақдим этилган.
«Фаолиятнинг айрим турларини лицензиялаш тўғрисида»ги 
Қонун 22-моддасининг бешинчи қисмига кўра, лицензи
-
ат лицензиянинг амал қилишини тўхтатиб туришга олиб кел
-
ган ҳолатларни бартараф этган тақдирда, лицензиянинг амал 
қилишини тўхтатиб туриш тўғрисида қарор қабул қилган лицен
-
зияловчи орган ёки суд кўрсатилган ҳолатлар бартараф этилган
-
лиги тўғрисидаги тасдиқномани олган кундан эътиборан лицен
-
зиянинг амал қилишини тиклаш тўғрисида ўн кун муддат ичида 
қарор қабул қилиши шартлиги белгиланган.
МЧж томонидан аризада келтирилган қонун бузилиши 
ҳолати судга қадар бартараф этилган бўлиб, лицензиянинг амал 
қилишини тўхтатиб туриш асослари мавжуд эмаслиги сабабли, 
аризани қаноатлантиришни рад этиш ҳақида хулосага келинган.