Суд амалиётини умумлаштириш материаллари тўплами (кўчирмалар)

8. «Суд ҳужжатлари ва бошқа органлар ҳужжатларини 
ижро этиш тўғрисида»ги қонун 86-моддасининг биринчи 
қисмига кўра, агар суд ижрочисининг ижро ҳаракатларини 
амалга оширишда қабул қиладиган қарорлари (ижро иши 
юритишни қўзғатиш, жарима солиш ва шу кабилар) тарафлар 
ва бошқа шахслар манфаатларига дахлдор бўлса, суд ижрочи-
си тегишли қарор чиқаради.

---

230
«Alyans-investment» МЧж суд қарорларини ижро этиш, судлар 
фаолиятини моддий техника жиҳатидан ва молиявий таъминлаш 
департаменти тошкент шаҳар ҳудудий бошқармаси ва Юнус обод 
туман суд ижрочилари бўлимига нисбатан хўжалик судига даъво 
аризаси билан мурожаат қилиб, хат асосида амалга оширилган 
кўчмас мулкни хатлашни бекор қилишни ва суд ижрочиларининг 
ҳаракатини ноқонуний деб топишни сўраган.
биринчи инстанция судининг ҳал қилув қарори билан кўчмас 
мулкни хатлаш бекор қилинган.
суд ижрочиси ижро ишини қўзғатганидан сўнг ер тузиш 
ва кўчмас мулк хизмати дукга қарздор – «Alyans-investment» 
МЧжнинг кўчмас мол-мулки тўғрисида маълумот бериш ҳақида 
сўровнома берган. сўровномада қарздорнинг кўчмас мол-мулки 
мавжуд бўлган тақдирда уни хатлаш сўралган.
ер тузиш ва кўчмас мулк хизмати дук томонидан суд иж
-
рочилари номига қарздорга тегишли кўчмас мулк хатланганлиги 
ҳақида жавоб берилган.
биринчи инстанция суди кўчмас мулкни хатлашни бекор 
қилиш ҳақида ҳал қилув қарори қабул қилган бўлса-да, суд иж
-
рочиси томонидан кўчмас мулкни хатлаш ҳақида қарор қабул 
қилинган ёки қилинмаганлигини аниқламаган. ер тузиш ва 
кўчмас мулк хизмати дукнинг жавоб хати мол-мулк хатланган
-
лигидан далолат бериши ҳал қилув қарорида асослантириб берил
-
маган.
бундан ташқари биринчи инстанция суди ишда иштирок 
этишга жалб қилинмаган шахсларнинг ҳуқуқ ва мажбуриятлари 
тўғрисида ҳал қилув қарори қабул қилган.
шу сабабли кассация инстанцияси суди томонидан ҳал қилув 
қарори бекор қилиниб, иш янгидан кўриш учун биринчи инстан
-
ция судига юборилган.