Struktura uchebnika soderjit razdelы, raskrыvayuщie evolyusiyu ekonomicheskoy mыsli, mikroekonomiku, makroekonomiku I teoreticheskie osnovы vneshney torgovli

Raqobat funksiyalari:

1. 
   tovarning bozor qiymatini aniqlaydi va o‘rnatadi;
   
2. 
   aniq bir mehnatni jamiyat uchun zarur mehnatga aylantiradi;
   
3. 
   mehnat unumdorligi va ishlab chiqarish samaradorligidan kelib chiqqan holda shaxsiy qiymatlar va foydaning muvozanatlashiga yordam beradi.
   

Raqobat turlari

1. 
   Tarmoq ichidagi raqobat – bu bir tarmoq ichida faoliyat yuritayotgan tovar ishlab chiqaruvchilar o‘rtasidagi kurash. Natija – ishlab chiqarishning alohida shaxsiy xarajatlarini yagona bozor yoki ijtimoiy qiymatga aylantirilishi.
   

Tarmoq ichidagi raqobat ishlab chiqarish xarajatlarini kamaytirish, fan va texnika yutuqlarini joriy qilish, ishlab chiqarish va kapital jamlanishi jarayonini rag‘batlantiradi. Zamonaviy sharoitlarda u asosan aniq turdagi tovarlarning tor ixtisoslashgan bozorlarida mavjud bo‘ladi (masalan, minikompyuterlar, telefizorlar, engil avtomobillar va shu kabilar).
Tarmoqlararo raqobat – bu xalq xo‘jaligining turli tarmoqlarida faoliyat olib borayotgan tovar ishlab chiqaruvchilar o‘rtasidagi raqobatdir. Natijada yagona umumiy foyda me’yori o‘rnatiladi va har bir tarmoqda teng kapital uchun teng o‘rtacha foyda olinadi. Ushbu foyda o‘rtacha bozor narxlari yoki ishlab chiqarish narxlarining elementi hisoblanadi.