Struktura uchebnika soderjit razdelы, raskrыvayuщie evolyusiyu ekonomicheskoy mыsli, mikroekonomiku, makroekonomiku I teoreticheskie osnovы vneshney torgovli

Ikki tomonlama monopoliya. Raqobatchilarga ega bo‘lmagan bitta xaridorga bitta sotuvchi – monopolist qarshi turgan bozor.
Duopoliya. Faqatgina ikkita firma ishlaydigan bozor tuzilmasi.
Oligopoliya. Kichik sonli yirik firmalar barcha tarmoqdagi asosiy qism mahsulotlarni ishlab chiqaradigan bozordagi vaziyat. Bunday bozorda firmalar o‘z sotuvlari, ishlab chiqarish hajmlari, investitsiyalar va reklama faoliyatlarining o‘zaro bog‘liqliklarini tushunishadi.

2. 
   Raqobatli kurashning shakl va usullari.
   

Firmaning bozordagi harakatidan kelib chiqqan holda narxli va narxsiz raqbot farqlanadi.
Narxli raqobat – ishlab chiqaruvchilar o‘rtasida ishlab chiqarish xarajatlarini kamaytirish va assortiment va sifatni o‘zgartirmagan holda mahsulot narxini pasaytirish orqali qo‘shimcha foyda olish uchun bo‘lgan kurashi.
Narxli raqobat demping (tovarning uning tannarxidan past narxlarda sotilishi), narxli diskriminatsiya (bir xil tovarning turli aholi qatlamlariga turli narxlarda taqdim etilishi), lizing (uzoq muddatli ijara shartnomasi), bir xil narxda tovar sifatini differensiatsiyalash (darajalash) ni qo‘llashda namoyon bo‘ladi.
Narxsiz raqobat. Bu tovar ishlab chiqaruvchilar o‘rtasida ishlab chiqarishga mahsulot sifati, uning assortimentining yaxshilanishiga olib keluvchi ITI yutuqlarini joriy qilish orqali iste’molchi uchun bo‘lgan kurashidir. Bunda sotishning yanada samaraliroq usullari qo‘llaniladi, marketing, taqdim etilayotgan xizmat va kafolatlarning turlari kengaytiriladi, xaridorlarga kreditlar taqdim etiladi va sh.k.
Raqobatning narxsiz hususiyati asosan bozorning oligopolistik tuzilmasi hukmronligi sharoitlarida namoyon bo‘ladi. Oligopoliyalar o‘zlarining orasida ham kartel turidagi ochiq bitimlar, ham maxfiy bitimlar tuzishadi.
Nomukammal raqobatning turlaridan biri – vijdonsiz raqobat bo‘lib, u asosan amaldorlarga pora berish, sanoat shpionaji, yagona narx o‘rnatish siyosati haqida maxfiy bitimlarni tuzish va hattoki raqobatchiga qarshi diversiyalarni uyushtirish yordamida noiqtisodiy usullar orqali olib boriladi.

2.