Struktura turi,Strukturalarni dasturlash va algoritmlash

Struktura turi,Strukturalarni dasturlash va algoritmlash.
Reja:
1. Struktura va ularni e’lon qilish;
2. Strukturalarga murojat qilish va ulardan foydalanish;
3. Struktura massivi.
Dasturlashtirish masalalarida biron bir tashkilot yoki muassasalarning ma’lumotlar bazasini hosil qilish va ma’lumotlar bazasi tarkibidagi ma’lumotlarni qayta ishlashga to‘g’ri keladi. Ma’lumotlar bazasini hosil qilishda bitta ob’yekt uchun bir nechta parametrlar saqlanadi, bunday holatlar uchun bitta ob’yekt uchun bir nechta parametrlarni birlashtirilish kerak bo‘ladi. Ma’lumotlar bazasini hosil qilish uchun dasturlash tillaridan qulay bo‘lgan dasturiy ta’minotlar ham ko‘p, lekin ba’zi hollarda dasturlash tillari ham keng qo‘llaniladi. Ma’lumotlar bazasini yaratish jarayoni dasturlash tillari tarkibida keng imkoniyatlari mavjud. C++ dasturlash tilida bir nechta turlarni birlashtirib yangi tur hosil qilish jarayoni strukturalar yaratish deb ataladi. C++ dasturlash tilida ma’lumotlar bazasini hosil qilish uchun strukturalardan foydalaniladi. Struktura tarkibida bitta turga bir nechta turlar birlashadi. Masalan talaba haqida ma’lumotlar bazasi hosil qilishda talaba deb nomlangan struktura tarkibida talaba familyasi, ismi, reytingi, tug’ilgan vaqti kabi parametrlari saqlanish kerak. Demak, har bir talaba uchun yuqoridagi barcha parametrlar inobatga olinishi kerak bo‘ladi. Struktura tarkibida bitta o‘zgaruvchini bir nechta qiymatlari bo‘lishi mumkin. Bir nechta talabalar haqida ma’lumotlarni qayta ishlash davrida bitta talaba uchun bir nechta parametrlar mavjud, bunday holatlarni hal etish uchun strukturalardan foydalaniladi.
Struktura va ularni e’lon qilish
C++ dasturlash tili tarkibida bir nechta turlarni birlashtirib bitta tur asosida ma’lumotlar bazasini yaratish va ularni qayta ishlash imkoniyati keng yaratilgan. Bir nechta turlarni birlashtirish natijasida strukturalar hosil qilib C++ dasturlash tili tarkibida tashkilotlarga tegishli bo‘lgan bir nechta masalalarni hal etish imkoniyati mavjud.
Ta’rif: C++ dasturlash tilida bir yoki bir nechta turlarni jamlanmasini birlashtirish struktura deb nomlanadi.
Strukturalarni ba’zi hollarda yozuvlar ham deb ataladi, strukturalar tarkibidagi turlarning har biri maydon deb nomlanadi.
Ta’rif: Ob’yektning bitta xususiyatini uzida saqlaydigan parametr maydon deb nomlanadi.
Talaba haqida ma’lumotlar strukturasi hosil qilinishda quyidagi maydonlar bo‘lishi mumkin: Talabani familyasi, ismi, otasining ismi, tug’ilgan vaqti, telefoni, manzili va hakoza. Strukturalar maydonlardan tashkil topgan ekan, struktura tarkibidagi har bir maydon strukturani bitta parametrini o‘zida saqlaydi. Struktura maydoni uchun xotira hajmi, mayon uzunligiga teng bo‘ladi. Struktura maydoni qiymatlari ifodalarda ishlatilishi mumkin. C++ dasturlash tilida strukturalarni e’lon qilishda struct xizmatchi so‘zidan foydalaniladi. Struktura e’lon qilingandan so‘ng dastur tarkibida o‘zgaruvchilarni struktura nomi bilan e’lon qilinadi.
C++ dasturlash tilida strukturalarni tasvirlashning umumiy ko‘rinishi quyidagicha ko‘rinishda bo‘ladi: