Strategiya quyidagi beshta ustuvor yo`nalishni o‘z ichiga oladi

1. Quyidagilar:
Oʼzbekiston Respublikasi Prezidentining 2017 yil 1 martdagi ««Yoshlik I» koni negizida «Olmaliq KMK» АJning ishlab chiqarish quvvatlarini kengaytirish chora-tadbirlari toʼgʼrisida»gi PQ-2807-son qaroriga muvofiq «Olmaliq kon-metallurgiya kombinati» aktsiyadorlik jamiyati (keyingi oʼrinlarda — «Olmaliq KMK» АJ) tomonidan rangli va qimmatbaho metallar ishlab chiqarish hajmini oshirishga qaratilgan «Yoshlik I» konini oʼzlashtirish» investitsiya loyihasi (keyingi oʼrinlarda — investitsiya loyihasi) amalga oshirilishi belgilanganligi;
investitsiya loyihasi doirasida 3-son Mis boyitish fabrikasini (keyingi oʼrinlarda — 3-MBF), fabrikada maʼdanlarni boyitish jarayonida hosil boʼladigan qoldiqlarni saqlash obʼektini, uning infratuzilma va sanitar zonalarini (keyingi oʼrinlarda — qoldiqlarni saqlash obʼekti), shuningdek, 3-MBF suv va tashqi elektr taʼminoti obʼektlarini (keyingi oʼrinlarda — infratuzilma obʼektlari) qurish nazarda tutilganligi;
3-MBF, qoldiqlarni saqlash obʼekti va infratuzilma obʼektlarini qurish uchun Toshkent viloyatida umumiy maydoni 3 768,8 gektarga teng hudud zarurligi aniqlangan boʼlib, shundan 1 616 gektari Toshkent viloyati hokimligining va 25 gektari Piskent tumani hokimligining tegishli qarorlari bilan ajratib berilganligi;
qoldiqlarni saqlash obʼektini qurish uchun Piskent tumanida umumiy maydoni 1 415,8 gektar hamda infratuzilma obʼektlarini qurish uchun Piskent va Ohangaron tumanlarida umumiy maydoni 712 gektarga teng hududlar ajratib berilishi zarurligi maʼlumot uchun qabul qilinsin.
2. Toshkent viloyati hokimligi:
a) bir oy muddatda:
Oʼzbekiston Respublikasi Yer resurslari, geodeziya, kartografiya va davlat kadastri davlat qoʼmitasi bilan birgalikda qoldiqlarni saqlash obʼekti hamda infratuzilma obʼektlari hududlarining aniq chegaralarini belgilasin;
qoldiqlarni saqlash obʼekti hamda infratuzilma obʼektlari hududlarida joylashgan turar joy, ishlab chiqarish hamda boshqa inshootlar, qurilmalar va ekinlarni xatlovdan oʼtkazsin;