Столетиреоҳтарифп

Ёрдам бермоқчиман! Топшириқ1/4 Уй эгаларига сувнинг водородсульфид билан ифлосланишига нима сабаб бўлганини аниқлашда ёрдам беринг. Уй ичидаги сувнинг водородсульфид билан ифлосланиши сабабини кўрсатадиган ғояни таклиф этинг. Шундай сабаб топишга ҳаракат қилингки, бу сабаб илмий ва оригиналлик нуқтаи назаридан тўғри бўлсин. (айнан шу ғояни кўплар таклиф эта олмаслиги мумкин) Ғояга таъриф бериш ва ёзиш учун Сизга 3 дақиқа вақт берилади.

Сувнинг водородсульфид билан ифлосланишнинг эҳтимолий сабабларидан бири:

Баҳолаш предмети: креатив ғояларни илгари суриш.
Баҳолаш:
2 балл (жавоб тўлиқ қабул қилинади)
Сувга водородсульфид тушиш йўлларидан бирини акс эттирадиган ғоя келтирилган. Агар ғоя қудуқ суви ер юзасидаги тупроқ орқали ифлосланганини кўрсатмайдиган йўлни таърифласа оригинал ҳисобланади. Масалан:

• Қудуқ тубида лойқа ҳосил бўлган;
• Водопровод қувурларига зиён етказилган ва унда ифлосланиш юз берган;
• Иссиқ сув билан таъминлайдиган сув иситгич ифлосланган.

1 балл (жавоб қисман қабул қилинади)
Қудуқ суви юзадаги манбалар орқали ифлослангани ҳақида ғоя берилган. Масалан:

• Қудуққа ёмғир суви ёки сув тошиши орқали ифлос сув кирган;
• Қудуққа томорқадан чиқинди тушган.

0 балл (жавоб қабул қилинмайди)
Ғоя берилмаган ёки берилган ғоя илмий нуқтаи назардан нотўғри.

ИЛМИЙ МУАММОЛАРНИ ЕЧИШГА ҚАРАТИЛГАН ТОПШИРИҚЛАРНИНГ ХУСУСИЯТЛАРИ

Топшириқлар қуйидагиларга қаратилган:
1) маълум бўлган ғояларни қўллаш эмас, янги ғояларни илгари суришга;
2) ёндашув ва ечимнинг оригиналлигига (агарда улар маъно ва қадр қимматга эга бўлса);
3) муқобил ечимларни кўзда тутадиган, шу боис қатор яқинлашиш ва аниқликлар киритишни талаб этувчи очиқ муаммоларга;
4) жавобга эмас, ечимни топиш усуллари ва жарёнларига қаратилган.