Statistik fizika nazariy fizikaning asosiy tarkibiy qismlaridan biri bo’lib, juda ko’plab zarralardan tashkil topgan fizik tizimlar (makrotizimlar) xususiyatlarini o’rganish bilan shug’ullanadi

18.Makroskopik sistema ichki energiyasi. Termodinamik tushunchalar.

Termodinamika va statistik fizika materiyaning issiqlik harakat formasini o'rganadi. Ularning asosiy mazmuni issiqlik muvozanat holatda bo'lgan ko'p sondagi zarralardan tashkil topgan makroskopik sistemada issiqlik harakat qonuniyatlari va unda o'tayotgan jarayonlarni, eng avvalo termodinamik metod, so'ng esa statistik metod yordamida o'rganishdan iboratdir.

Termodinamikaning fenomenologik xarakteriga ko'ra, issiq­lik muvozanatda bo'lgan sistemada o'tadigan jarayonlarni o'r-ganishda muhim natijalarga kelsada, uning xususiyatlarini chuqur o'rganishni chegaralaydi va tekshiriladigan fizik hodisa-larning ichki tabiatini ochishga imkon bermaydi. Termodina­mika muvozanat holatdagi makroskopik sistemada issiqlik bilan bog'liq bo'lgan jarayon, hodisa va qonuniyatlarni tiklashda va tekshirishda nafaqat tajriba yo'li bilan olingan muhim natija-lardan foydalanaladi, balki statistik fizika metodlari asosida olin­gan umumiy qonuniyatlar, formulalar va xulosalardan foyda-lanadi.
Muvozanatdagi makroskopik sistemalar o'rtacha kattaliklar uchun Statistik fizika metodi asosida o'tkazilgari nazany tadqi-qotlar fenomenologik termodinamika qonuniyatlarini tiklashga olib keldi va asoslab berdi. Shuning uchun muvozanatdagi sistema statistik fizikasi statistik termodinamika degan nom oldi.
Birinchi navbatda fenomenologik termodinamikada ko'rila-digan masalalarni ko'rib chiqamiz. So'ngra termodinamika qonunlarini statistik fizika metodlari yordamida o'rganamiz.
Termodinamika uch qismga bo'linadi:
1. Fizikaviy termodinamika.
2. Kimyoviy termodinamika.
3. Texnik termodinamika.
Fizikaviy termodinamika - termodinamikaning umumiy nazariy asoslarini va aksiomalarini o'rganadi. Kimyoviy termo­dinamika kimyoviy va fizikaviy muvozanatlarni tekshirishda termodinamikaning nazariy asoslaridan va metodlaridan foydalanadi. Texnik termodinamika esa issiqlik va ishning o'zaro bir-biriga almashinishini o'rganishda termodinamikaning asosiy qonunlaridan foydalanadi. Texnik termodinamikaning asosiy maqsadi - issiqlik mashinalar nazariyasini ishlab chiqishdan iborat.