«Стартап» лойиҳаларини танлаб олиш ва молиялаштириш танловида иштирок этиш учун

Бизнес-лойиҳа ҳақида маълумот (амалга оширилиши режалаштирилган лойиҳанинг моҳияти тавсифи, янги маҳсулот ёки хизмат турини яратувчи инновацион ишланмаларнинг қўлланилиши, кўлами ва тез ўсиш суръати ҳақида маълумотлар; аввал қўлланилмаган технологиялар ва (ёки) жараённи ташкил этиш принциплари ёки аввал ишлаб чиқарилмаган маҳсулотнинг янги қўлланилиш даражаси; лойиҳанинг инвестициявий жозибадорлиги — қўшимча даромад келтирадиган ҳамда уни амалга оширишда инвестициялар хавфини камайтирадиган қулай инвестицион ва инновацион шароитлар ва афзалликлари; интеллектуал мулк объектларига бўлган ҳуқуқнинг муҳофазаланганлиги — муҳофаза ҳужжатлари, ва/ёки илмий-техник ҳужжатларнинг тўлиқ комплекти ва/ёки маҳсулотнинг (технологиянинг) техник регламенти, синов ўтказилганлиги тўғрисидаги далолатномалар ёки маҳсулотнинг тажриба нусхаси мавжудлиги; лойиҳанинг ресурс билан таъминланганлиги — лойиҳани техник амалга ошириш имкониятлари (моддий-техник база, ходимлар, муҳофаза ҳужжатлари мавжудлиги ва бошқалар); лойиҳа учун ажратилган маблағларнинг мақсадли сарфланиши, экспортга йўналтирилган ёки импорт ўрнини босадиган илмий ҳажмдор маҳсулотларни олишни ташкил қилиш истиқболлари ҳақида маълумотлар).

Маркетинг таҳлили (маҳсулот ва хизматлар бозори, уларнинг рақобатбардошлиги ва бозордаги мавжуд рақобатчилар ҳамда истеъмолчилар ҳақида маълумотлар таҳлилини ўз ичига олиши лозим. Мазкур маълумотлар сотиш, маркетинг дастурини ишлаб чиқиш ҳамда барча харажатларни режалаштириш учун етарли даражада бўлиши лозим).

Маркетинг стратегияси (компаниянинг маркетинг стратегияси ҳамда савдо дастуридан келиб чиқиб, маркетинг ривожланиш режаси, ва услубини қамраб олиши зарур).

Ишлаб чиқариш ва логистика дастури (асосий ресурсларни сотиб олиш, асосий ишлаб чиқариш жараёни, сақлаш, ташиш ва ҳ.к.) билан боғлиқ барча маълумотларни ўз ичига олади).

Лойиҳанинг харажатлар сметаси ( харажатлар сметаси лойиҳанинг умумий муддатига тўлдирилиши ва харажатларни асословчи ҳисоб-китоблар (жадваллар) илова қилиниши шарт. Агар биргаликда молиялаштириш кўзда тутилган бўлса, биргаликда молиялаштириш харажатлари таркиби молиялаштириш манбасига нисбатан алоҳида кўрсатилиши лозим.)