Standartlari

Ijarada ko’zda tutilgan foiz stavkasi - minimal ijara to’lovlari va kafolatlanmagan qoldiq qiymati yig’indisining keltirilgan qiymati, ijaraga olingan aktivning haqqoniy qiymati va ijaraga beruvchining dastlabki bevosita xarajatlari yig’indisiga ijara boshlanishi paytiga teng bo’lishini ta’minlaydigan diskont stavkasidir.
Ijaraga sof investitsiya – ijarada ko’zda tutilgan foiz stavkasi bo’yicha diskontlangan ijaraga yalpi investitsiya.
Ijaraga yalpi investitsiya – ijaraga beruvchi tomonidan moliyaviy ijara bo’yicha olinadigan minimal ijara to’lovlari, va ijaraga beruvchi foydasiga hisoblanadigan kafolatlanmagan qoldiq qiymati.
Iqtisodiy foydalanish muddati – bir yoki undan ortiq foydalanuvchilar tomonidan aktivdan iqtisodiy maqsadlarda foydalanish kutilayotgan davr; yoki bir yoki undan ortiq foydalanuvchilar tomonidan aktivdan olinishi kutilayotgan ishlab chiqarish yoki shunga o’xshash birliklarining soni.
Kafolatlanmagan qoldiq qiymati – ijaraga berilgan aktiv qoldiq qiymatining bir qismi bo’lib, u ijaraga beruvchi tomonidan pullanishi kafolatlanmaydi yoki xolos ijaraga beruvchi bilan bog’liq taraf tomonidan kafolatlanadi.
Kurs farqi - bu bir valyuta birliklarining ma’lum summasini boshqa valyutaga turli valyuta kurslarida o’tkazishdan yuzaga keladigan farqdir.
Minimal ijara to’lovlari – ijara muddati davomida ijarachi tomonidan to’lanadigan yoki to’lanishi talab etilishi mumkin bo’lgan to’lovlar
Moliyaviy ijara – aktivga egalik qilish bilan bog’liq deyarli barcha xatarlar va mukofotlarni kelishuvning bir tomonidan boshqa tomoniga o’tkazuvchi ijara. Egalik huquqi pirovardida o’tkazilishi yoki o’tkazilmasligi mumkin.
Monetar moddalar - bu egalik qilinayotgan valyuta birliklari hamda valyuta birliklarining o’zgarmas yoki aniqlanadigan summasida olinadigan yoki to’lanadigan aktivlar va majburiyatlardir.
Muddati kechiktirilgan moliyaviy daromad – bu quyidagilar orasidagi farq: ijaraga yalpi investitsiya va ijaraga sof investitsiya.