Sqo`shimchasi bilan yasaladi. – s qo`shimchasi otlarning oxiriga qo`shiladi. Misol uchun: one flower – three flowers

Ko`plik shakli (Plural form)

A) Inliz tilida so`zlarning ko`pligini ko`p hollarda - sqo`shimchasi bilan yasaladi. – s qo`shimchasi otlarning oxiriga qo`shiladi.

Misol uchun: one flower – three flowers, a zebra – two zebras, an elephant – four elephants, a computer – five computers

B) Ba`zi bir so`zlarning oxiri –s, -ss, -sh, -ch, -x, va - o harflari bilan tugasa, ularning ko`pligini yasash uchun – es qo`shimchasidan foydalanamiz.

Misol uchun: bus – buses, glass – glasses, dish – dishes, brush- brushes, watch – watches, match – matches, box – boxes, fox- foxes, tomato – tomatoes, potato – potatoes.

C) Yana bir turdagi so`zlarning ko`plik shakli boshqa bir usulda yasaladi. Agar so`zlar - y harfi bilan tugasa, ushbu harfdan oldingi harf undosh bo`lsa, u holda - y harfi so`zda tushib qoladi va o`rniga – ies qo`shimchasi qo`shiladi.

Misol uchun: a lady – two ladies (ushbu so`zda – y harfidan oldin – d harfi kelyapti, bilasizki - d harfi undosh harf hisoblanadi.) A baby – three babies, one story – four stories, a strawberry – two strawberries.

Agar so`z oxiri – y harfi bilan tugasa-yu, lekin –y harfidan oldin unli harf (o,a,e,u) kelgan bo`lsa u holda oddiygina –s ko`plik qo`shimchasini qo`shish orqali ko`plik shakl yasab olamiz. Misol uchun: a boy – two boys, a day – three days, a monkey – two monkeys, a donkey – two donkeys, a guy – three guys.

D) Ba`zi bir so`zlar ko`pligini hec qanday qo`shimchalarsiz o`zak qismini o`zgartirish orqali yasaymiz. Bu so`zlar quyidagilar:

• 
  Man – men [men - min] erkak kishi – erkaklar;
  
• 
  Woman – women [wumen - wimin] ayol – ayollar;
  
• 
  Child – children [chayld - childrin] bola – bolalar;
  
• 
  Person – people [persin - pipl] odam – odamlar;
  
• 
  Tooth – teeth [tuz - tiyz] tish – tishlar;
  
• 
  Foot – feet [fut - fit] oyoq kafti – oyoq kaftlari;
  
• 
  Mouse – mice [maus - mays] sichqon – sichqonlar;
  
• 
  Ox – oxen [oks - oksin] buvyol – buvyollar
  
• 
  Goose – geese [gus - giys] – go`z – go`zlar
  

E) Ba`zi so`zlarning esa birlik va ko`plik shakllari bir xilda bo`ladi. Ularning gapda birlik yoki ko`plikda kelayotganligini oldida turgan miqdor so`zlari orqali bilib olamiz.

• 
  a fish – two fish [fish] baliq – ikkita baliq;
  
• 
  a sheep – three sheep [ship] qo`y – uchta qo`ylar;
  
• 
  a deer – three deer [die] bug`u – bug`ular
  
• 
  a series – two series [siries] – seriya – 2 ta seriyalar
  
• 
  a species - three species [spiysis] – tur – turlar
  

F) Ingliz tilida so`zlarning oxiri o harfi bilan tugasa va undan oldingi harf unli bo`lsa, ushbu so`zlarning ko`plik shaklini –s qo`shimchasi orqali yasaymiz.

Misol uchun: zoo – zoos, radio – radios, stereo – stereos, video – videos, kangaroo – kangaroos

Ingliz tilida so`zlarning oxiri o harfi bilan tugasa va undan oldingi harf undosh harf bo`lsa, ushbu so`zlarning ko`plik shaklini - es qo`shimchasi orqali yasaymiz.

Misol uchun : hero – heroes, echo – echoes, tomato – tomatoes, potato – potatoes.

Ammo piano va photo so`zlari ushbu qoidaga bo`ysunmaydi va oddiygina –s qo`shimchasi bilan yasaladi.

G) Ingliz tilida ba`zi bir otlarning oxiri –f yoki –fe harflari bilan tugasa, bu kabi otlarning ko`plik shaklini yasash uchun –ves qo`shimchasidan foydalanamiz va ushbu qo`shimchani qo`shganimizda – f va –fe harflari so`zda tushib qoladi.

Misol uchun: leaf – leaves, wolf – wolves, life – lives, knife – knives.

Ammo roof, giraffe va cliff so`zlari ushbu qoidadan mustasno. Ya`ni bu so`zlarning ko`pligi oddiygina – s qo`shimchasi bilan yasaladii.