Sport tibbiyoti fanining ahamiyati, vazifalari, tarixi va rivojlanish bosqichlari massajning gigienik asoslari

Mavzu: O’zbekistonda sport tibbiyotini tashkil etish asoslari

Reja:

1. SPORT TIBBIYOTI FANINING AHAMIYATI, VAZIFALARI, TARIXI VA RIVOJLANISH BOSQICHLARI

2. MASSAJNING GIGIENIK ASOSLARI

3. SPORT TIBBIYOTI ASOSLARI VA UNING TASHKIL ETILISHI

SPORT TIBBIYOTI FANINING AHAMIYATI, VAZIFALARI, TARIXI VA RIVOJLANISH BOSQICHLARI

Fan haqida tushuncha. Tibbiyot – bu ilmiy bilimlar va amaliy faoliyat tizimi bo`lib, uning maqsadi sog`liqni saqlash va mustahkamlash, odamlar umrini uzaytirish, kasalliklarning oldini olish va davolashdir. Tibbiyot – ikki qismga bo`linadi. 1.Nazariy tibbiyot – bunga odam anatomiyasi, odam fiziologiyasi, gigiyena, sanitariya, epidemiologiya, mikrobiologiya, va boshqa tibbiy fanlar kiradi. 2.Klinik tibbiyot – bunga terapiya, xirurgiya, akusher – ginekologiya, pediatriya, nevropatologiya, psixiatriya, urologiya, endokrinologiya, yuqumli kasalliklar, dermatologiya va venerologiya, quloq, tomoq, burun (LOR), ko`z kasalliklari va boshqa tibbiy fanlar kiradi. Sport tibbiyotining dolzarbligi O`zbekiston Respublikasida hozirgi paytda jismoniy tarbiya va sport bilan shug`ullanuvchilar sonining kundan - kunga ortib borishi, ular salomatligini yaxshilash, mustahkamlash kabi jarayonlarni davlat tasarrufidagi ish deb hisoblanishi bilan bog`liq. Maqsadi - jistnoniy tarbiya va sport bilan shug`ullanuvchilarning sihat-salomatligini saqlash, yaxshilash, mustahkamlash, jismoniy ish qobiliyatini oshirish, mashqiy zerikishlarning oldini olish va davolash hamda sport yutuqlarining yuqori darajada bo`lishini ta`minlashdir. Vazifalari - maqsadga erishish jarayonida vujudga kelgan masalalar yechimini ishiab chiqishdir. Fanning ahamiyati. Jismoniy tarbiya va sport yoshlarning o`sishi, rivojlanishi, sog`lig`ining mustahkamlanishi, ish qobiliyatining oshishi, umri uzayishining muhim omilidir. Jismoniy tarbiya va sport trenerovkasi mashqlari – bu ijtimoiy-pedagogik jarayon bo`lib, unda asosiy vazifani pedagog, ya`ni jismoniy tarbiya o`qituvchi va trener bajaradi. Shuning bilan birga, bu jarayonlarning asosiy ob`yekti, jismoniy tarbiya va sport mashqlari bilan shug`ullanuvchi yoshlar hisoblanadi. Jismoniy