Sport psixologiyasi fanidan tayyorlangan

Sportcha qizg’inlik- bu salbiy emotsional xolat bo’lib, mazkur jarayonda, sportga berilib ketish shu darajaga etib boradiki, natijada sportchilar affekt xolatiga, ya’ni o’zlarini boshqara olmaydigan xolatga tushib qoladilar. Vasvasaning affektli xolatida ishtirokchilar tomonidan o’yin koidalarining buzilishi, ruxsat etilmaydigan usullarning qo’llanilishi, raqibga nisbatan va xatto, xakamlarga nisbatan xam qo’pollik qilish xolatlari kuzatiladi.
Agressivlik, (tajovuzkorlik) – agressiya so’zining bevosita tarjimasi tirik organizmga ziyon etkazishni maqsad qiluvchi reaktsiya, degan ma’noni anglatadi. Agressivlik salbiy xis-tuyg’u bo’lganligi sababli xaqiqiy sportga xos emas. Bu xolat raqibga dushmanlarcha munosabatda bo’lish tarzida nomoyon bo’ladi. Bunda sportchi xar qanday yo’l bilan, xatto, belgilangan musobaqa qoidalarini buzib yoki raqibiga ongli ravishda jaroxat etkazib bo’lsada, g’alabaga erishishga intiladi.
Sport jaxldorligi – Ushbu emotsional xolatda xam muayyan darajada agressivlik belgilari bor. Biroq, bunda sportchining asabiylashuvi va norozilik tuyg’ulari asosan uning o’ziga, qilgan xatolariga va noto’g’ri xatti-xarakatlariga qaratilgan bo’ladi. Sport jaxldorligi –bu o’ta yorqin va kuchli tuyg’udir, u muayyan vaziyatlarda juda tez paydo bo’lib, yuzaga kelgan qiyinchiliklarni xal etishga qaratilgan faol xatti-xarakatlarda ko’zga tashlanadi.
Sportchilik sha’ni – unda ma’lum ma’noda ma’naviy tuyg’ular qatoriga kiritish mumkin. Uning moxiyati, sportchining o’zi tomonidan ximoya qilinayotgan ijtimoiy manfaatlarni o’z shaxsiy manfaatlar sifatida xis etishi va ular uchun shaxsan va ruxiy javobgarlik kechinmalarini xis etishidan iboratdir.
Shaxsiy ustunlik tuyg’usi - bu xolat salbiy emotsional tuyg’udir. U sportchi “yulduzlik kasalligi”ga chalinganda, o’zini katta olib, boshqalarni pisand etmay qo’yganda, shuningdek, o’z yutuqlariga o’zi maxliyo bo’lib qolganda namoyon bo’ladi. Ushbu xolat sportchidagi o’ta xudbinlikni, shaxsiy manfaatga o’chlikni, o’zini o’z do’stlariga, jamoasiga qarshi qo’ya olish xususiyatlarida ifodalaydi.