Sport pedagogik maxoratini oshirish

ANNATATSIYA

Ushbu o’quv qo'llanmada gimnastikaning barcha sport turlarining xoreografik tayyorgarligini samarali rivojlantirishga, musiqiy eshitish qobilyat­larini mukammallashtirishga ko'mak beruvchi uslubiy ko'rsatmalar mavjudligi bilan ajralib turadi.

O’quv qo'llanmadan O'zbekiston davlat jismoniy tarbiya va sport universiteti talabalari, Respublika ixtisosslashtirilgan olimpiya zaxiralari maktab internati o'quvchilari, bolalar va o'smirlar sport maktabi tarbiyalanuvchilari, jismoniy tarbiya murabbiylari va maktablarda jismoniy tarbiya o'qituvchilari gimnastika sport turlari bo’yicha yosh sportchilarni jismoniy tayyorgarligini oshirish uchun kerakli xoreografik raqs mashqlarini o’rgatish metodikasi berilgan.

Аннотация

Этот учебник содержит методические указания, которые могут помочь улучшить хореографическую подготовку всех видов гимнастики, улучшить музыкальные навыки аудирования.

Учебники включают в себя гимнастику для студентов Узбекского государственного университета физической культуры и спорта, учащихся Республиканской специализированной школы олимпийского резерва, учащихся детских и юношеских спортивных школ, тренеров по физкультуре и школьных учителей. Предложена методика обучения хореографическому танцу для улучшения физической подготовки юных спортсменов.

Annotation

This textbook contains methodological guidelines that can help improve the choreographic training of all types of gymnastics, improve musical listening skills.

The textbooks include gymnastics for students of the Uzbek State University of Physical Culture and Sports, students of the Republican Specialized Olympic Reserve School, students of children's and youth sports schools, physical education coaches and school teachers. The method of teaching choreographic dance to improve the physical training of young athletes is given.

KIRISH

Sportdagi xoreografiya – sport bilan endi shug’ullana boshlaganlardan yuksak mahoratli ustalargacha bo’lgan sportchilar tayyorgarligining ajralmas tarkibiy qismi hisoblanadi. Harakatlar madaniyatning namoyon bo’lishi bilan bog’liq sport turlarida xoreografiya vositalarini qo’llash ko’pgina elementlar texnikasini egallab olishga yordam beradi, maxsus harakat sifatlarining rivojlanishi uchun sharoit yaratadi va bundan tashqari, texnika jihatdan murakkab mashqlarni oson, erkin, ifodali tarzda bajarish imkonini beradi.

Ilgaridan ma’lumki, xoreografiya bilan muntazam shug’ullangan spotrchilar yorqin, o’ziga xos ijrosi, nazokati, harakatlari amplitudasi hamda chiziqlarining go’zalligi bilan ajralib turadi.

Xoreografiya mashqlarini musiqa ostida bajarishi sportchilarning musiqa eshitish qobiliyati va ritm sezgi sini taraqqiy ettiradi, o’z navbatida, murakkab elementlarning ritmik tuzilmasini yanada samarali o’zlashtirib olishga imkon beradi.

Mumtoz raqs maktabida mashq qildirishning vosita va usullari sport hamda badiiy gimnastika, akrobatika, figurali uchish, sinxron suzish, suvga sakrash va boshqa sport turlarida sportchilarni texnik jihatdan tayyorlash tizimida mustahkam o’rin egallaydi.

Keying yillarda sportdagi xoreografik tayyorgarlikda mumtoz va xalq raqsi vositalaridan tashqari zamonaviy raqs san’atining turli yo’nalishlariga xos elementlar, erkin plastika harakatlari va boshqalar qo’llanila boshladi.