Sport patologiyasi asoslari Reja

Sportchi kuch-quvvatini tiklashda qo`llanadigan fizioterapiya usullari. 
Sportchi kuch-quvvatini tiklashda quyidagi fizioterapiya muolajalari 
qo`llanadi:
1. Tinchlantiruvchi va muskullarning kuchini oshiruvchi maxsus elektr 
apparatlari (elektrostimulyatsiya);
2. Moddalar almashinuvini yaxshilovchi ultrabinafsha elektr nurlari; 
3. Og`riqsizlantiruvchi elektr toki (elektroanalgeziya); 
4. Santimetrlik diapazondagi elektromagnit to`lqinlari. 
Ushbu elektr apparatlari bilan bajariladigan fizioterapiya davolash muolajalari 
ayniqsa, velosiped, chang`i, og`ir atletika, eshgak eshish kabi sport turlarida keng 
qo`llanadi. Ular muskul kuchini, qon tomir devori tonusini, yurakning qisqarish 
kuchining oshishiga, organizmda qon aylanishining yaxshilanishiga, katta hajm va 
tezlikdagi jismoniy mashg`ulotlarni yaxshi bajarishga imkon yaratadi. 
Mazkur apparatlarning elektromagnit to`lqinlarini musobaqa jarayonida qisqa 
muddatli dam olish, taymlar o`rtasidagi tanaffus paytida qo`llash, sportchi kuch-
quvvatini tezda tiklanishiga, sport natijasining yaxshilanishiga ijobiy ta`sir 
ko`rsatadi. 
5. Kichik to`lqinli modulyatsiyalashgan elektr toklari nerv va muskul tolalari 
qo`zg`aluvchanligini oshirib, muskul to`qimasida qon aylanishni, moddalar 
almashinuvini yaxshilaydi, muskul tolalarining qisqarish kuchini oshiradi, 
shuningdek, og`riqni kamaytiradi. 
Bu toklarni, ayniqsa, musobaqaga tayyorlanish davridagi trenirovka 
jarayonida qo`llash, musobaqa natijasining yuqori bo`lishiga ijobiy ta`sir qiladi.
6. “Volna-2” elektr apparati yordamida elektromagnit maydonini ta`sir 
qildirish (DMB-terapiya) mashg`ulot paytida charchagan muskullar va ularning 
qon tomirlarini to`satdan kuchli qisqarish (spazm) holatini bartaraf etadi. 
Muskullarning qon bilan ta`minlanishini yaxshilaydi, ulardagi og`riqni yo`qotadi.
Bu usul shuningdek, teri, muskul va paylarning shikastlanishini davolashda 
muhim ahamiyatga ega. 

---

Shu bois, “Volna-2” apparati doimiy trenirovka o`tkaziladigan sport 
inshoatlariga o`rnatiladi. Bu apparatning qo`lda olib yuradigan kichik (portativ) 
turlari sport musobaqalarida faoliyat ko`rsatadigan shifokorlarning har birida 
bo`lishi maqsadga muvofiq. Ayniqsa, musobaqa jarayonida shikastlanish ko`p 
sodir bo`ladigan futbol, hokkey, regbi, boks, kurash, sport gimnastikasi va boshqa 
sport turlarida “Volna-2” apparatini qo`llash zaruriyati ko`p bo`ladi. 
Sportchini tinchlantirish va uxlatish yordamida kuch-quvvatini tiklash uchun 
qo`llanadigan elektr muolajalari.
Oliy nerv faoliyatining zo`riqishi bilan bo`gliq bo`lgan merganlik, shaxmat, 
shashka, biatlon, tennis kabi sport turlarida sportchining aqliy charchashini bartaraf 
etish, ish qobiliyatini tezroq tiklanishida elektr tokining tinchlantiruvchi va 
uxlatuvchi ta`siri muhim ahamiyatga ega. Bu usul elektroson deyiladi. 
Elektroson sportchining o`ta mas`uliyatli aqliy faoliyati tufayli, uning bosh 
miya p`stloq qavati nerv hujayralarida yuzaga kelgan charchash, hayajonlanish, 
notinchlik, asabiylashish, uyquning buzilishi, ishtahaning pasayishi, kuchsizlanish, 
mashg`ulot bajarishga xohishining yo`qolishi kabi ruhiy zo`riqish holatlarini 
bartaraf etishda, aqliy qobiliyatning tezroq tiklanishida muhim ahamiyatga ega.