Spirituality and educational” centre under the high and secondary ministry of education the republic of uzbekistan

4. Стратегик фикрлаш.
Фикрлаш жараёни — ҳаётда муваффақиятга эришишни истаганлар учун энг яхши стратегиядир. Бугунги кунда инсонлар муваффақиятга эришиш учун фикрлашнинг турли усуллари ва воситаларидан фойдаланадилар. Бугунги кунда ”Стратегия“ тушунчаси нафақат иқтисодий соҳада балки, инсонларнинг интеллектуал ва касбий соҳаларида ҳам қўлланмоқда. Оддий фикрлашдан стратегик фикрлашнинг фарқи шундаки, стратегик фикрлаш-келажакка қаратилган истиқболли режаларни амалга оширишга ҳизмат қилади. Стратегик фикрлаш, фикрлашни пухта ўйлаб, истиқболли режаларни рўёбга чиқаришга ҳизмат қилади. Ўйлаб кўриш ва стратегик фикрлаш — буюклик учун биринчи қадамдир. Аниқлик муваффақият келтиради. Айнан стратегик фикрлашда аниқлик, пухталик, тизимлилик мавжуддир.
Стратегик ўйлаб кўришга вақт ажратар экансиз, ўзингизнинг муҳим вазифаларингизни ва диққат қаратишингиз лозим бўлган муҳим лаҳзаларни аниқлаб оласиз. Сизнинг ҳаракатларингиз янада етук, қатъий ва аниқ бўлади. Сиз энг яхши қарор ва энг тўғри танлов қила оласиз. Стратегик фикр­лашга вақт ажратар экансиз, сиз фикрларингиздан унумли фойдаланишни ўрганасиз. Бу фикрлаш соатлари сизни буюк ғоялар ва улкан орзуларга илҳомлантиради. Стратегик фикрлаш умумий тарзда қўйилган мақсадларга эришишга қаратилган фикрларни бошқаришдир. Стратегик фикрлаш ўз ичига креатив фикрлаш, позитив фикрлаш кабиларни қамраб олади. Креативлик сўзи (инглизча “create” – яратувчанлик, ижодкорлик) сўзидан олинган бўлиб, инсон шахсининг ижодий фикрлаш, анъанавийлик ёки одат тусига кирган фикрлаш схемасидан узоқ бўлган, принцпиал янги ғояларни яратишга тайёрликни характерловчи, шунингдек, муаммоларни ўзгача тарзда бартараф этиш, иқтидорнинг мустақил фактори сифатида қабул қилинган ижодий фикрлаш қобилиятларидир.
Позитив фикрлаш-ижобий фикрлашга, ҳар қандай масалани, ғоя ёки фикрни фақат ижобий томонини ажратиб олишга ва шунга мос стратегия қўллашга асосланган фикрлашнинг бир кўринишидир. Стратегик фикрлаш учун мақсадлар кетма-кетлигини ҳар томонлама белгилаб олиш муҳим. Стратегик фикрлашнинг моҳияти шундан иборатки, атрофдагилар фикридаги ўзгаришларни ўз вақтида сезмоқ ва фикрий таъсирларга жавоб беришдан иборатдир.