Spirituality and educational” centre under the high and secondary ministry of education the republic of uzbekistan

Камтарлик – инсон ўзини бошқалардан устун қўймаслиги, барчага табақаси, мавқеи, бой-камбағаллиги, чиройли ёки хунуклигига, миллатига қарамасдан, ҳар қандай шароитда ҳам самимий, беғараз муносабатда бўлиши.
Мардлик – бу қаҳрамонлик, жасурлик, ваъдага вафо, садоқат, бошлаган ишини якунига етказиш, ҳар қандай тўсиқларни енгиб, мақсадга эришиш.
Меҳрибонлик – инсонпарварлик, одамийлик, олийжаноблик, мардлик, саховатлилик билан чамбарчас боғлиқ ҳолда намоён бўлиб, давлатга, ота-онага, турмуш ўртоғига, фарзандларга, дўст, биродарларга, қариндошуруғларга, устозларга, шогирдларга ғамхўрлик, меҳрмурувватли бўлиш.
Интизомлилик – инсон ўз ишини, бурчини, вазифасини масъулият билан ўз вақтида, жойида тартиб билан бажариши, доимо ваъдасининг устидан чиқиши, ўзининг билимини, тажрибасини орттириб бориши.
Тежамкорлик – уй-рўзғор буюмларини авайлаб-асраб ишлатиш, озиқ-овқатнинг етарлисини тайёрлаш, исрофгарчиликка йўл қўймаслик, пулни зарур, фақат керакли нарсаларга сарфлаш, ҳамма нарсада меъёрга риоя этиш.
Истеъдодлилик – кўпроқ ижодкорларга хос бўлиб, уларга изланувчанлик, кузатувчанлик, мантиқий фикр юритиш, тўғри хулосалар чиқариш, иродалилик, қатъиятлилик, тетиклик, виждонлилик, қатъиятлилик, тетиклик, виждонлилик хосдир. Истеъдодли инсонлар тиним билмай меҳнат қилиб, изланишда бўлиб, чарчамайдилар.
Мулойимлик – инсоннинг бошқаларга оғир, босиқлик, ёқимтойлик, юмшоқлик, ширинсўзлик билан, самимий муомалада бўлишидир. Ал-Бухорий ҳадисларида мулойимлик ҳақида қуйидагиларни ёзади: «Мулойим бўл, кимда мулойимлик бўлса, ҳусн ва камолотга эришади ва кимда мулойимлик хислати бўлмаса у айбли ва нуқсонли бўлади».
Сахийлик – покиза, улуғ, қўли очиқ, оқкўнгил инсоннинг бошқаларга ҳиммат қилиб, моддий ва маънавий ёрдам бериши.
Саховатлилик – инсоннинг муҳтож, ногирон, етим есирларга, бева-бечораларга моддий ёрдам кўрсатиши, уларни кўнглини кўтариш, хайр-эҳсонлар, яхшиликлар қилишидир. Улфат Маҳкамов айтганидек: “Саховатли инсон ўз бахтини бошқаларнинг бахтида кўради. Ўз бахтини бошқалар билан баҳам кўради, уларнинг дардига ҳамдард бўлади. Одамларга ёрдам бериш, уларни хурсанд қилишдан завқланади. Саховатли киши ҳақиқат, адолат асосида иш тутиб порахўрлик, тилёғламалик каби ножўя хатти-ҳаракатлардан қочади”.