Спектроскопик усуллар классификацияси Атом-спектроскопик анализ метоллари

Жавоби: k=1,72·10^-4; с(Fe³⁺)=6,02·10^-5 моль/дм³; m(Fe³⁺)=0,188 мг.
16. Таркибида амидопирин ва кофеин бўлган таблеткалардан янчиб тайёрланган кукундан 0,1000 г тортим олиб, суюлтирилган сульфат кислотада эритиб, 100 см³ таҳлил этилувчи эритма тайёрланади. Шу эритмани 2 см³ ҳажмига 98 см³ суюлтирилган сульфат кислота эритмасидан қўшиб 100 см³ текширилувчи эритма тайёрланади. Спектрофотометрда l=1см кюветада, икки тўлқин узунликда λ₁=255 нм ва λ₂=272 нм ва А₂₅₅=0,646 ва А₂₇₂=0,430 ёзиб олинида. Амидопирин ва кофеин эритмаларидаги солиштирма сўндириш коэффи-циентлари тегишлича тўлқин узунликларда 255 нм-390 ва 245; 272 нм-205 ва 490 эканлигини билган холда, оптик зичликни аддитивлик қонуни асосида, массаси 0,4100 г бўлган битта таблеткадаги амидопирин ва кофеин мг-массаларини хисобланг.
Жавоби: 307 мг; 51 мг.
17. Таҳлил этилувчи 50 см³ сувли амиак эритмаси таркибида кобальт (II) ва никел (II) бор. Мазкур эритмага кобальт (II) ва никел (II) ионларини диэтилдитиокарбоматли комп-лексга айлантириш учун етарли миқдорда натрий диэтилдитиокарбомат тузи эритмасидан қўшиб, хосил бўлган комплекс, миқдоран, тўлиқ, тўрт хлорли углеродга экстракцияланиб, таркибида кобальт (II) ва никел (II)ни диэтилидитиокарбоматли комплекслари бўлган 10 см³ экстракт ажратиб олинди. Экстрактни ёруғлик ютиш хусусияти икки хил тўлқин узунликда 328 ва 367 нм l=1см³ кюветада, тоза эритувчи тўрт хлорли углерод (солиштирма эритма)га нисбатан ўлчанганда оптик зичликни қуйидаги қийматлари А₃₂₈=0,698 ва А₃₆₇=0,737 ёзиб олинди. Айни шу тўлқин узунликларда ва шундай шароитда, нурни сўниш моляр коэффицентлари дм³·моль^-1·см^-1 бирликда, кобальт (II) комплекси учун ε₃₂₈=35210, ε₃₆₇=21820. Оптик зичликни аддитивлик қонунидан фойдаланиб таҳлил этилган эритмадаги кобальт ва никел концентрациялари с(Cо²⁺), с(Ni²⁺) моль/дм³ ва массаларини m(Co²⁺), m(Ni⁺²) ҳисобланг.
Жавоби: с(Co²⁺)=5,09·10^-6; с(Ni²⁺)=3,41·10^-6моль/дм³; m(Co²⁺)=15мкг; m(Ni²⁺)=10мкг.
18. Эритмадаги мис (II) миқдорини дифференциал фотометрия усулида аниқлаш учун таркибида мисни амиакли комплекси бўлган 100 см³ эритмадан намуна олиб уни λ=420 нм, l=2 см қалинликдаги кюветада, шундай қалинликдаги кюветага қуйилган мис (II) аммиакли концентрациясини эталон эритмасига нисбатан А(X)=0,377 оптик зичлиги ўлчанади. Солиштириш учун олинган эталон эритмада мис (II) концентрацияси 0,1 мг/дм³ бўлса, қайта хисоблаш омили (аналитик омил)ни ўртача қиймати (λ=620 нм, l=2 см мисни амиакли комплекси учун) F=0,265 мг/см³ эканлигини билган ҳолда таҳлил этилган эритмадаги мис (II) г/см³ концентрацияси ва массаси m мг-да ҳисобланг.
Жавоби: 0,2 мг/см³; 20 мг.
19. Таркибида темир (III) сулфасалициат комплекси бўлган таҳлил этилувчи аммиакли эритмадаги темир (III)ни дифференциал фотометрия усулида аниқлаш учун аввал темир (III) сулфосалицилат комплексини амиакли муҳитда Fe(III)ни аниқ концентрацияли 6 та эталон эритма тайёрланди. Эталон эритмаларни оптик зичликлари A_i λ=420 нм l=0,5см кюветада Fe(III) концентрацияси c_i = 0,005 мг/см³ бўлган биринчи эталон эритмасига нисбатан ўлчанади.

сi, мг/см^3	сi-с1, мг/см^3	Ai
0,005	-	-
0,010	0,005	0,246
0,015	0,010	0,493
0,020	0,015	0,739
0,025	0,020	0,985
0,030	0,025	1,232

Таркибида темир (III) сульфосалицилат комплекси бўлган 100 см³ эритмадан намуна олиб унинг λ=420 нм-да l=0,5 см кюветада биринчи эталон эритмага нисбатан ўлчанган оптик зичлик А(Х)=0,197 тенг бўлди. А_i–с_i мг/см^-1 координатларида даражалаш чизмасини чизинг.

с_i=A +с₁=A +0,005 ифодасидан аналитик омил ўртача қийматини таҳлил этилган эритмадаги темир (III) мг/см³ бирликдаги концентрацияси ва темир (III) массасини миллиграмда ҳисобланг.