So’zdan so’zning farqi bor…

8-Sinf Ona til

I Mavzu: Kirish suhbati “So’zdan so’zning farqi bor…”

II Darsning maqsadi:

1. 
   ta’limiy maqsad – o’quvchilarning 7-sinfda o’zlashtirgan bilim, ko’nikma va malakalarini yodga tushurish, takrorlash;
   
2. 
   tarbiyaviy maqsad – milliy istiqlol g’oyalarini sindirish;
   
3. 
   rivojlantiruvchi maqsad – nutq madaniyati, til sezgirligi unsurlarini shakllantirish.
   

III Darsning rejasi:

1. 
   Kirish suhbati
   
2. 
   Matn bilan ishlash
   
3. 
   Matn yaratish
   
4. 
   Mustahkamlash
   
5. 
   Dars yakuni va uyga topshiriq.
   

IV Darsning jihozi: O’zbek xalq maqollari

V Darsning borishi:

Kirish so’hbati. O’quv yili boshidagi 1-dars “Mustaqillik darsi” bilan boshlanadi. Mashg’ulot avvalida istiqlol yillarida Vatanimizda yuz bergan ijtimoiy-iqtisodiy o’zgarishlar haqida suhbat o’tkaziladi.

Savol va topshiriqlar:

1. 
   Istiqlol yillarida Siz yashab turgan mahalla (qishloq, shahar, tuman, viloyat)da qanday o’zgarishlar ro’y berganini izohlay olasizmi?
   
2. 
   Milliy istiqlol g’oyasi deganda nimani tushunasiz?
   
3. 
   Mustaqillik va ona tilini madx etuvchi she’rlardan yod ayting va izohlang.
   

Matn bilan ishlash.

1-topshiriq bo’yicha “Mukofot va jazo” matni mustaqil o’qib chiqiladi. O’quvchilarda ifodali o’qish malakalarini shakllantirib borish maqsadida 1, 2 o’quvchiga ovoz chiqarib o’qitish tavsiya etiladi. Keyin o’quvchilar navbat bilan rivoyatni aytib berishadi.

Matn yuzasidan quyidagi topshiriqlar berildi.

2-topshiriq. Shirin va muloyim so’zlash, so’z tanlash, o’ylab gapirish haqida qanday maqol va hikmatli so’zlarni rivoyat va hikoyatlarni bilasiz? So’zlab bering.

3-topshiriq. “So’zdan so’zning farqi bor, 32 xil narxi bor”, “Donoga ishora – nodonga kaltak” maqollarining mazmunini sharqlang.

Bilib oling!!! Inson o’zining ma’lum bir fikrini turli so’zlar yoki ishoralar vositasida turlicha ifodalashi mumkin. Bunday o’zgacha ifodani so’zlovchining bilim saviyasi, hayoti tajribasi, so’z boyligi va nutq paytidagi muhit (sharoit) belgilaydi.

2-mashq. Hayotiy tajribangiz asosida “tig’ yarasi bitadi, lekin til yarasi bitmaydi” maqoli asosida matn yarating.

3-mashq. Uyga vazifa. Mustaqillik va istiqlol, kelajak va istiqlol so’zlarini ishtirok ettirib ona vatanimizni sharaflovchi matn tuzing.