Сөз Сөз шақабы Мәниси ҳәм мысалы

=Ә=

Сөз	Сөз шақабы	Мәниси ҳәм мысалы
Ә I		Қарақалпақ алфавитиниң екинши ҳәриби.
Ә II		Адамның кеўил күйин, ишки сезимин аңлатады. Жоғ-ә, олай емес.
ӘБДЕН	Р.	Дым, жүдә, оғада, оғыры, қалыўсыз, нағыз, тап. Әбден шыдамы таўсылған соң, үй ийеси жол болсын сорады. (К. Султанов). Беллери әбден бүгилип, Басалмайды аяғын (Жийен жыраў). Езген көкнарын сапыйнасынан өткерип, суўын кесеге ағызып, әбден сырқытып болғаннан соң кеседеги көкнар суўының бетин үплеп-үплеп жиберип қылқылдатып симирди (Қ. Ирманов).
ӘБЕС	Кел.	Ерси, әжептәўир, әбеший, қорқынышлы, уят, қолайсыз, келиспейтуғын. Билди атасы бул исти, –Қызым ойыңа не түсти, Көрдиң бе жаман әбести, Неге турдың орныңнан (Бердақ). Жарлы болсаң жөнге түс деп, Тараў жүргениң әбес деп, Сүрен салған үниң ысық (Мәжит улы).
ӘБЕШИЙ	Кел.	Әжептәўир, оңатайсыз, қолайсыз, келисиксиз. Әбеший болды замана, Басында елдиң думана (Бердақ). –Мынаған қарашы, өзиниң түрине қарағанда жүдә әбеший (А. Бегимов).
ӘБЖИЛ	Кел.	Жағымлы, жаранамуғын, жаранғыш, кеўил тапқыш, жәдигөй, жағымпаз, кишипейил, қайымшыл, мийзамкеш жылтаңлаған. Әдеп сақлап, әбжил болып, жигитлерге кеўил толып, Айырылмасқа аўқам қылып, Кеўил жәмлеп толып келдик (Қ. Ирманов).
ӘБЖИЛЛИК	Ат.	Мийзамкешлик, кишипейиллик, жағымпазлық, жәдигөйлик. Қайып әбжиллик пенен мырс етип күлди (Ө. Хожаниязов).
ӘБЗЕЛ	Р.	Негизи, шыны, дурысы, тийкары, жақсысы, тоқетери, жуўмағы. Әбзели жақсыны жатқа жибермең: усы қызды сен ала қойсаң қалай болады балам (А. Әлийев).
ӘБИГЕР	Кел.	Жупыны, әптада, қөрениш, сыртқы көриниси төмен, жарлы, кемтар, тосаң, ҳәлсиз. Адамлар менен сөйлесиўи де әбигер еди (К. Султанов).  Әбигер болыў – жоқшылыққа ушыраў, қорлыққа ушыраў. Биймезгил келген қонаққа аўқат таппай, үй-иши әбигер болды (Н. Бөрекешов).

ҳ ў