Soya navlaridan yuqori va sifatli hosil yetishtirishni ta‘minlaydigan mikroo‘g‘itlarning ta‘sirini ilmiy asoslash (Toshkent viloyatining o‘tloqi-botqoq tuproqlari sharoitida)” mavzusidagi yillik hisobotiga

“Soya navlaridan yuqori va sifatli hosil yetishtirishni ta‘minlaydigan mikroo‘g‘itlarning ta‘sirini ilmiy asoslash (Toshkent viloyatining o‘tloqi-botqoq tuproqlari sharoitida)” mavzusidagi yillik hisobotiga

TAQRIZ

O‘zbekistonda soya yetishtirishni ko‘paytirish, aholini muhim seroqsilli oziqa bilan ta’minlashda respublikaning har xil tuproq sharoitida soya navlarini yetishtirish texnologiyasini yaratish lozim. Shu borada Toshkent viloyatining o‘tloqi - botqoq tuproqlar sharoitida soya navlarini mikroo‘g‘itlarning har xil turlari va me’yorlari qo‘llanilib, o‘simlikning o‘sishi, rivojlanishi, barg shakllanishi va simbiotik faoliyatiga, hosil shaklanishiga ta’sirini o‘rganish dolzarb masala deb hisoblanadi.

Soya navlarini o‘sishi, rivojlanishi va hosil shakllanishiga ijobiy ta’sir ko‘rsatadigan mikroo‘g‘itlarning maqbul me’yorlari aniqlangan; mikroo‘g‘itlarning maqbul me’yorlari barg orqali suspenziya usulida oziqlantirilganda o‘simlikning faol o‘sishi, shoxlanishi, donning to‘lishishi aniqlangan.

Ilmiy ishning muhim natijalari-Orzu navida hosildorlik 18,4-39,7 s/ga ni tashkil qilib, oltingugurt evaziga 17,6-21,3 s/ga, marganes evaziga 15,6-20,0 s/ga oshganligi aniqlangan. Nafis navida hosildorlik 21,5-42,5 s/gani tashkil qilgan bo’lib, oltingugurt evaziga hosildorlik 17,3-17,9 s/ga, marganes evaziga esa 16,7-21,0 s/ga oshganligi aniqlangan. Mikroo‘g‘itlarning maqbul me’yorlari va qo‘llash muddatlari aniqlangan.

Olingan natijalar statistik tahlil qilingan tegishlicha ilmiy maqolalar xorijiy va mahalliy jurnallarda chop etilgan bo‘lib, xorijda 1 ta maqola va 2 ta tezis, respublika jurnallarida 1 maqola va 2 ta tezis chop etilgan.

Tayyorlangan 2021 yilda bajarilgan ilmiy ishlar ishlar bo‘yicha hisobot talab darajasida yozilgan. Hisobot kirish, 3 ta bob, xulosalar, tajribada bajarilgan ishlar tasviri, foydalangan adabiyotlar ro‘yxati, ilovalar va talab qilinadin xujjatlar ilova qilingan. Hisobotning umumiy hajmi 67 bet, asosiy qismi 30 betni tashkil qiladi. Hisobotda 18 ta jadval, 18 ta rasm, 48 ta foydalangan adabiyotlar keltirilgan. Ammo yaxshilab tekshirib chiqilmaganligi sababli ba’zi bir orfografik xatoliklar uchraydi, shu xatolar tuzatilsa yaxshi bo’lar edi.

Olingan natijalar soyachilikni rivojlanishiga xizmat qiladi.

Hisobotda soya navlarini o‘sishi, barg shakllanishi, simbiotik faoliyati, ildiz rivojlanishi, pastki dukkak joylashishi, donning mutloq vazni, xosildorligi va iqtisodiy samaradorligi mineral o‘g‘it fonida mikroo‘g‘itlarning ijobiy ta’siri bayon etilgan va to‘g‘ri xulosalar chiqarilgan.

Yakuniy hisobot qo‘yilgan talablarga javob beradi, uni tasdiqlash mumkin deb hisoblayman.