Sovunni qayta ishlash va uni tovar holatiga keltirish. Reja

Sovunni qayta ishlash va uni tovar holatiga keltirish.


Reja:

1. 
   Sovunni sovutish va quritish. Sovun quritish uchun vakuum quritish kamerasi.
   
2. 
   Vakuumli shnek-press.
   
3. 
   Xo’jalik sovuni asosiga ishlov berish texnologik sxemasi va bayoni.
   
4. 
   Ikki pog’onali shnek-press.
   
5. 
   Uzluksiz liniyalarda atir sovun asosiga ishlov berish texnologik sxemasi.
   
6. 
   “Massoni” liniyasida atir sovun asosiga ishlov berish sxemasi.
   
7. 
   Xo’jalik va atir sovuni sifat ko’rsatkichlari.
   
8. 
   Sovunni sovutish, kristallash va quritish mashinalari.
   
9. 
   Vakuum-quritish qurilmasi.
   
10. 
    Sovunni mahsulot shakliga keltirish va mexanik ishlash uskunalari.
    
11. 
    Shnekli press. Sovun kesish mashinalari.
    
12. 
    Atir sovun olish uskunalari to’g’risidagi umumiy ma’lumotlar.
    

Bevosita yoki bilvosita usullar bilan sovun pishirish qozonlarida yoki uzluksiz ishlaydigan apparatlarda tayyorlangan sovunga tovar shaklini berish uchun sovunning asosi sovunning turiga va naviga qarab qayta ishlanadi.
Xo‘jalik sovuni sovutiladi, quritiladi, mexanik ishlov beriladi, qoliplanadi, bo‘laklarga bo‘linadi, shtamp bosiladi va tayyor sovun bo‘laklari yashiklarga joylanadi.
Atir sovunga sovutgandan, quritgandan va mexanik ishlov berilgandan so‘ng, xushbo‘y moddalar, bo‘yoqlar, oksidlanishga qarshi va boshqa qo‘shimchalar qo‘shiladi. Bundan keyin sovunga qo‘shimcha mexanik ishlov beriladi, qoliplanadi, kesiladi, tayyor bo‘lgan bo‘lakchalar quritiladi, shtamp bosiladi, qog‘ozda bilan o‘raladi va joylanadi.
Sovunni sovutish va quritish. Sovutish jarayonida sovun kristallanadi va suyuq holatdan qattiq holatga o‘tadi. Sovunning qattiqligi undagi yog‘ kislota miqdoriga, yog‘ aralashmasini titriga sovutish usuliga bog‘liq bo‘ladi.
Sovunni ikkita usul bilan quritish mumkin:
Yog‘ kislotalarini konsentratsiyasini o‘zgartirmasdan harorat pasayib borishi hisobiga (masalan “mexanik-modern” qurilmasi), yog‘ kislotasi konsentratsiyasi ortib borib namlikni bug‘lanishi hisobiga, bu usul afzalroqdir. Quritish yog‘ kislotani konsentratsiyasini oshirish maqsadida amalga oshiriladi. Zamonaviy uskunalarda sovutish va quritish birlashtirilgan. Usulning mazmuni shundaki qizdirilgan sovun vakuum kameraga sepilib quritiladi va sovutiladi. Vakuum-quritish kamerasini optimal ishlash sharoitini nomogramma (1-rasm) yordamida aniqlash mumkin.
Sovunda berilgan yog‘ kislotasi konsentratsiyasiga ko‘ra gorizontal o‘kning o‘ng tarafida nuqta olinadi, undan tikka chiziq chiziladi to egri chiziq bilan kesishgungacha va kesishgan joyidan chap tarafga to‘g‘ri chiziq o‘tkaziladi. Bundan so‘ng gorizontal o‘qning chap tomonidan vakuum kameradagi qoldiq bosimga mos holda nuqta olinadi va bu nuqtadan tikka to‘g‘ri chiziq yuqoridagi gorizontal chiziq bilan chiziladi.
Topilgan nuqta tarkibida kerakli miqdorda yog‘ kislotasi bo‘lgan sovun olish uchun issiqlik almashgichga kelayotgan, tayyor sovundagi yog‘ kislotalari miqdorini ta’minlaydigan to‘yingan bug‘ning bosimini ko‘rsatadi.

Sovun issitgichdagi to’yingan bug’
bosimi, МPа (кgs/sm²)