Сопол материаллар

Очиқ цилиндрик ковакларнинг диаметри 16 мм гача, тирқишсимон ковакларнинг эни 12 мм гача бўлиши керак. ғишт ва тошлардан терилган ташқи деворлар қалинлиги камида 12 мм, ковак буюмларнинг сув шимиб олиши камида 6% бўлиши керак.Мустаҳкамлиги бўйича ғишт ва тошлар 300, 250, 200 175, 150, 125,100, 75 маркаларга бўлинади (8-жадвалга қаранг), совуққа чидамлиги бўйича эса F 15,25,35 ва 50 маркаларга бўлинади. ғишт деворли панеллар муайян ўлчамли саноат буюмлари бўлиб, уларда алохида ғишт ёки сопол тош цемент-қум қоришма билан яхлит қилиб цементлаб бириктирилади. Вазифасига кўра ташқи ва ички деворлар учун мосланган панеллар,шунингдек,махсус панеллар (пойпешбоп,вентиляциябоп ва бошқалар) бўлади.

Ташқи деворларнинг ғишт панеллари икки қатламли ва бир қатламли қилиб 260 мм қалинликда тайёрланади. Йирик ковакли ва тирқишли катта тошлардан ясалган бир қатламли панеллар истиқболли ҳисобланади,устун ички деворларнинг панеллари оддий ғиштдан бир қатламли қилиб терилади ва металл синчлар билан арматураланади. Панелларнинг умумий қалинлиги 140 мм бўлиб, бунга ғишт қалинлиги (120 мм) ва хар томондан қоришма қатлами (10 мм дан) хам киради. ғишт панелларнинг ғишт ёки сопол тошларга нисбатан қатор афзалликлари бор, жумладан корхона шароитларида йирик ўлчамли панелларни тайёрлаш, уларни қурилиш майдончасида замонавий механизмлар воситасида тиклаш қулай, шунингдек девор материалларини анча тежаш мумкин.

Биноларнинг фасад юзаларига, ички деворларига ва полларига қоплаш учун ишлатиладиган сопол материалларнинг олд юзаси турли рангларга, бўялган, табиий рангли, силлиқ, бўртма, сирланган бўлиши мумкин. Сопол материаллар билан қопланган юзалар манзарали хоссалари билан фарқланади, улар пухта ва нисбатан тежамлидир. Бинолар фасадига қопланадиган материаллар. Биноларнинг фасадларини қоплаш учун сиртқи ғишт ва тошлар, кичик ўлчамли фасад плиткалари ва гилам нусха сопол ишлатилади. Сиртқи ғишт ва тошлар тўғри шаклли, қиррали ва бўёғи бир хил бўлади. Ўнг томони силлиқ, бўртма ва фактураланган бўлиши ҳам мумкин. Сиртқи ғишт ва тошларнинг ранги тўқ қизилдан то оқ сариқ ранггача бўлади. Оч сариқ рангли материаллар оқиш гиллардан тайёрланади, ҳозирги вақтда улар энг кўп ишлатилмоқда. ғишт ва тошлар яхлит ва ичи ковак қилиб ясалади. Тайёрлаш технологияси ярим қуруқ ёки пластик усулларда-сопол ғишт тайёрлаш кабидир.