1-taklif. Mahalliy soliqlar va yig’imlarni takomillashtirish bilan bog’liq
mazkur taklifimiz bu er solig’i bilan bog’liqdir. Ma’lumki, er solig’i soliq
to’lovchilarni moliyaviy natijalariga bog’liq bo’lmagan holda undiriladi ya’ni,
erni fizikaviy, ximiyaviy xususiyati hamda erni joylanishiga soliqlarni
belgilashda asos qilib olinadi. Ammo, qayd etish joizki, hozirga qadar
respublikamizda erlarni boniteti ilgari ancha yillar oldingi ma’lumotlar bo’yicha
yuritilmoqda. Shuni e’tiborga olib erlarni qiymatini ob’ektiv aniqlash va shu
asosda soliq stavkasini ham qayta ko’rib chiqish lozim deb hisoblaymiz.
2-taklif. Jismoniy shaxslarning er solig’i va mulk solig’ini birlashtirib,
xorijiy tajribalarni hisobga olgan holda ko’chmas mulk solig’ini joriy etish
maqsadga muvofiq deb hisoblaymiz. Bu birinchidan, jismoniy shaxslarning
soliqlarini hisoblash va undirish xarajatlarini qisqartiradi. Ikkinchidan,
ko’chmas mulk solig’ini joriy etilishi soliq tizimidagi soliqlar yanada
soddalashgan bo’lar edi deb hisoblaymiz.
3-taklif. Mahalliy soliqlar va yig’imlar bo’yicha soliq to’lovchilarga soliq
yukini kamaytirish maqsadida mahalliy hokimiyatlarga ichki qarz mablag’larini
joriy etish vakolatini ta’minlovchi yangi qonunlar qabul qilinishi zarur.
4-taklif. Mahalliy byudjetlarni xarajatlarini moliyalashtirish uchun
umumdavlat soliqlaridan ajratmalar foizi har yili o’zgartiriladi va bir qator
noqulayliklar keltirib chiqaradi, shuning uchun ularning amal qilish muddatini 5
yilga o’zgarmas tartibda o’rnatish lozim.
5-taklif. Er solig’ining stavkalarini belgilashda, qishloq xo’jalik tovar
ishlab chiqaruvchilari uchun foydalaniladigan erdan olinadigan daromad
miqdorini hisobga olish lozim.
57
Qishloq xo’jaligida band erlarda etishtiriladigan o’simliklarning turlari
bo’yicha bir-biridan keskin farqlanuvchi daromad darajasiga egadir. Masalan,
davlat xarid narxlarining ko’tarilishi, davlat buyurtmasining qisqartirilishi,
paxta va bug’doydan olinadigan daromadlar darajasini sezilarli darajada
o’sishiga imkoniyat yaratadi. Holbuki, ko’plab qishloq xo’jalik mahsulotlari
bahosining doimiy ravishda past ekanligi kuzatilishi mumkin.
6-taklif. Mol-mulk solig’ining rag’batlantiruvchilik xususiyatini oshirish
maqsadida soliqqa tortilmaydigan minimum joriy qilish maqsadga muvofiqdir.
Mazkur soliq bo’yicha soliqqa tortilmaydigan minimumni joriy etilishi
iqtisodiyotning ustuvor tarmoqlarida faoliyat ko’rsatayotgan va fond si\imi
yuqori bo’lgan hamda faoliyatini endigina boshlagan korxonalarning moliyaviy
holatiga ijobiy ta’sir qiladi. Buning natijasida, o’rta va uzoq muddatli davriy
oraliqlarda ularning soliqqa tortish bazasi kengayadi.
58
Do'stlaringiz bilan baham: |