Soliq va soliqqa tortish

Talab qilinadi:
1. Korxona to’lashi lozim bo’lgan qo‘shilgan qiymat solig‘ini hisoblang?


59. Masala. Qo‘shilgan qiymat solig‘i to‘lovchisi bo’lgan korxona ko‘rpa tikib realizatsiya qiladi. Bitta ko‘rpaning tannarxi – 45000 so‘m. Qo‘shilgan qiymat solig‘isiz bitta ko‘rpaning sotish narxi – 55000 so‘m.
2021 yil hisobot davrida sotilgan ko‘rpalar:

• 
  300 tasi ichki bozorda sotilgan;
  
• 
  500 tasi erkin valyutaga eksport qilingan (55 000 so‘mga ekvivalent bo‘lgan narxda).
  

Bundan tashqari 20 tasi bolalar bog‘chasiga tekinga berilgan. 50 tasi korxona ishchi va xizmatchilariga 35000 so‘mdan sotilgan. 5 tasi xodimlar bo‘limi boshlig‘ining tug‘ilgan kunida (yubiley) hadya qilingan.
Talab qilinadi:
1. Korxona qo‘shilgan qiymat solig‘i qaysi qismini hisobga kiritish huquqiga ega?
2. Korxona to’lashi lozim bo’lgan qo‘shilgan qiymat solig‘ini hisoblang?


60. Masala. Qo‘shilgan qiymat solig‘i to‘lovchi bo‘lgan korxona bojxonadagi narxi 1550 AQSH dollari bo‘lgan asbob-uskunani import qilmoqda. Bojxona deklaratsiyasini to‘ldirish vaqtidagi 1 AQSh dollarining kursi 11050 so‘mni tashkil etgan. Bojxona boji – 30 foiz, aksiz solig‘ining stavkasi – 10 foiz, bojxonada rasmiylashtiruv yig’imi bojxona qonunchiligida belgilangan tartibda hisoblangan.
Talab qilinadi:
1. Import qilingan tovarlar uchun qo‘shilgan qiymat solig‘i summasini hisoblang?
2. Asbob-uskunaning haqiqatdagi tannarxini aniqlang?


61. Masala. Namangan shahrida savdo faoliyati bilan shug‘ullanuvchi korxona ishchilariga hisoblangan ish haqi bo’yicha quyidagi ma’lumotlar berilgan:
Direktor – 3 000 000 so’m (1 oyga);
Hisobchi – 2 700 000 so’m (1 oyga);
Sotuvchi – 2 150 000 so’m (1 oyga);
Talab qilinadi: Savdo korxonasining 2022 yil 1 chorak uchun ijtimoiy soliq summasini hisoblang.


62. Masala. Chakana savdo bilan shug‘ullanuvchi korxonada 3 kishi ishlaydi. 2022 yilning 1-choragi uchun ularga jami 21 500 000 so’m ish haqi hisoblangan.