Sohaga kirish

---

MA`RUZA MASHG`ULOTLARI 
1-MAVZU. “SOHAGA KIRISH” FANINING MAZMUNI, PREDMETI VA 
METODI.
TO`QIMACHILIK SANOATINI TARIXI VA RIVOJLANISHI. 
Reja: 
1.Sohaga kirish fanining mazmuni, dolzarbligi. 
2. Sohaga kirish fanining predmeti va metodi. 
3.To`qimachilik sanoatini rivojlanish tarixi. 
“SOHAGA kirish” fani oliy o’quv yurtlarining birinchi bosqich 
talabalariga Respublikamizda yengil sanoat sohasining tutgan o`rni, istiqboli va 
rivojlanishi, to`qimachilik mahsulotlarini ishlab chiqarish texnologiyasi bilan 
bog`liq bo`lgan bilim va ko`nikmalarni, yengil sanoatda trikotajning tutgan o`rni va 
ahamiyati bilan tanishish imkoniyatlarini o`rgatadi.
Respublikamizda ta`lim sifatini oshirish yo`lida bir qator qonun va qarorlar 
qabul qilindi. Bu hujjatlar ta’lim tizimining barcha bo’g’inlarida chuqur islohotlar 
asosida davlatimiz siyosatini ustivor yo’nalishini belgilab berdi. Ta’lim jarayoning 
mazmuni sifat jihatidan yangi bosqichga ko’tarildi. Bu bosqichning dastlabki 
yo’nalishi 
“SOHAGA kirish”
o’quv kursini o’rganishdan boshlanadi.
To’g’ri kasb tanlash oilaviy xayotni ham moddiy, ham ma’naviy tomondan 
to’g’ri ta’minlashga yordam beradi. To’g’ri kasb tanlash insonning kelajagini 
belgilashda katta ahamiyatga ega. Har bir kasb, albatta, insonning qiziqishi va 
qobiliyati nuqtai nazaridan tanlanadi. Agar kasb to’g’ri tanlansa, shu kasbning 
yetuk mutaxassisi bo’lib yetishadi. Agar kasb tanlashga yoshlar ota-onalar xohish 
istagi bilan o’zi befarq qaragan holda yondashsa, bunda kelgusi hayotida katta 
fojialarga duch kelishi mumkin. Shuning uchun kasb tanlashda ota-ona bilan 
maslahat qilishi bilan birga o’zining qobiliyati, kasbga loyiqligi, moddiy va 
ma’naviy jihat xisobga olinishi muhim. 
Talabalar kun tartibi oiladagi o`smir va o`spirinlarning kun tartibidan farq 
qiladi. Talabalarning asosiy vaqti o’qish mashg’ulotlariga sarf bo’ladi. Lekin asosiy 

---

maqsad, ana shu o’quv mashg’ulotlarida talabaning faoliyatini oshirish, kun tartibini 
to’g’ri tashkil etishdir. Agar talaba bolaligidan oilada, o’z ota-onasi bag’rida kun 
tartibiga qat’iy rioya etsa, u talabalik yillarida ham kun tartibini to’g’ri tuza oladi. 
Bunda asosan o’qish mashg’ulotlaridan ta’limga e’tibor beriladi. Lekin qolgan bo`sh 
vaqtini taqsimlashda san’at, sport, kitobxonlik bilan shug’ullanish, madaniy 
xordiq chiqarish (kinoteatrga borish, radio, televideniye eshitish va ko’rish) 
bularning barchasi talaba kun tartibidan aniq o’rin olishi muhimdir. 
Davlat va jamiyat taraqqiyotini ta’minlashda bugungi kunda shakllanayotgan 
yosh avlodning bilimdonligi va tadbirkorligi muhim o’rin tutadi.
“SOHAGA kirish” fanining 
asosiy maqsadi
- ta`lim olayotgan barcha talaba 
yoshlarni har tomonlama chuqur va mustahkam bilimga ega bo’lgan, mustaqil 
tafakkur qila oladigan, yoshlar o’rtasida layoqatli, g’oyaviy e’tiqodli, ijodkor va 
intizomda namuna bo’la oladigan barkamol avlodni tarbiyalashdan iborat.
Buning uchun talabalarni sifatli va samarali bilim olishlarini ta’minlash, 
o’quv-tarbiya, ilmiy va jamoat ishlarini yuqori talablar darajasiga ko’tarish, ular 
bilan ta’limning dastlabki bosqichlaridayoq muntazam va astoydil shug’ullanishdan 
iborat. 
Fanning