СоғЛИҚни сақлаш вазирлиги

7.5. ИШЛАБ ЧИҚАРИШДА ФАРМАЦЕВТИК МАҲСУЛОТЛАРИ 
СИФАТ НАЗОРАТИНИ ТАШКИЛ ҚИЛИШ 
 
Ишлаб чиқаришдаги сифат назоратини шартли равишда иккига, ишлаб 
чиқариш биноси, асбоб-ускуналар яроқлилигини ва ходимлар малакасини 
текшириш билан боғлик бошланғич сифат назоратига ҳамда бевосита техник 
жараѐн сифат назоратига ажратиш мумкин. 
Техник назорат тизими
ишлаб чиқариш жараѐнининг ажралмас қисми 
ҳисобланади (назорат обьектлари, назорат жараѐнлари ва уларнинг тартиби, 
иш жойининг техник жиҳозланиши, назорат усуллари, назорат жараѐнларини 
механизациялаш ва автоматлаштириш воситалари) ва бу жараѐн корхонанинг 
техник назорат бўлими (ТНБ) томонидан амалга оширилади. Корхона техник 
назорат бўлимининг асосий вазифаси корхона томонидан сифат стандартлари 
талабларига жавоб бермайдиган маҳсулот ишлаб чиқарилишининг олдини 
олиш ҳисобланади. Шунингдек, бу бўлим ишлаб чиқаришда тартиб-
интизомни мустаҳкамлаш ва ишлаб чиқаришнинг барча бўғинларида 
маҳсулот сифатига нисбатан масъулиятни ошириш каби вазифаларни ҳам 
бажаради. ТНБ тузилиши ва штатлар сони ишлаб чиқариш хусусияти, ҳажми 
ва назорат жараѐнларининг мураккаблигидан келиб чиқиб белгиланади ва 
ташкилот раҳбари томонидан тасдиқланади. Корхона бўлимлари ва 
цехларининг маҳсулот техник назорати билан шуғулланадиган барча 
ходимлари ТНБ таркибига киради. 

---

109 
Фармацевтик корхонада сифатсиз маҳсулот ишлаб чиқарилса, 
жавобгарлик корхона раҳбарияти ва шундай маҳсулот чиқишига айбдор 
бўлган цех раҳбарлари (шу жумладан ТНБ ходимлари)га юклатилади. 
Корхона фақат ТНБ қабул қилган маҳсулотнигина сотиши мумкин. 
Маҳсулотга айни шу маҳсулот белгиланган талабларга жавоб беришини 
тасдиқловчи аналитик паспорт ѐки бошқа ҳужжат расмийлаштирилган 
бўлиши шарт. 
Маҳсулот