Социолингвистика

Тилнинг функционал таснифи
Режа:
1. А. Мартиненинг функционал таснифи
2. У.Стюартнинг функционал таснифи
3. А.Аврорин ва Ю.Д Дешериевларнинг функционал таснифлари
4. Мулоқот муҳитлар
Таянч сўзлар ва тушунчалар: шева, маҳаллий тил, локал тил, воситачи тил, жамоавий этник тил, меъёрлашган тил, маргинал тил, мулоқот муҳитлари


3.1. А. Мартиненинг функционал таснифи

Ўзига хос тилнинг функционал классификациясини А.Мартине берган. Унинг таснифи пирамида шаклида бўлиб поғоналарга бўлинади. Тилнинг ёйилиши ва мулоқот вазифаси ҳажмига қараб, қуйилдгича жойлашган. Пирамиданинг чўққисида шевалар ва маҳаллий тиллар, иккинчи поғона – локал фойдаланиладиган, кам ишлатиладиган воситачи тиллар, кейинги поғонада эса бир мамлакатда ишлатиладиган ва халқаро миллий тиллар жойлашган.

3.2. У.Стюартнинг классификация(таснифи)си қуйидагича:
1. Этник жамоавий норма(меъёр)лашган она тили;
2. Норма(меъёр)лашган она тили;
3.Ҳозирги вақтда ишлатилмайдиган тил ;
4. Аралаш (“пижин” турдаги) тил;
5. Сунъий тил;
6. Чеккадаги тил.
А.Мартине ва У.Стюарт томонидан берилган классификацияларнинг аксини И.Фергюсон таснифида кўриш мумкин. У тилларни йирик, кичик ва мухсус тилларга бўлади.
3.3. А.Аврорин ва Ю.Д Дешериевларнинг функционал таснифлари

Собиқ совет социолингвистлари В.А.Аврорин ва Ю.Д Дешериевнинг классификацияси фақат собиқ Совет Иттифоқи тилларига тегишли эди. У қуйидагича берилган:

1. 
   рус тили – миллатлараро тил;
   
2. 
   иттифоқдош республикаларнинг миллий адабий тили;
   
3. 
   автоном республикалар ва вилоятларнинг адабий тили;
   
4. 
   ёзувсиз кичик элатлар тили ( коряклар, ненецлар, нанайлар);
   
5. 
   ёзувли кичик элатлар тили;
   

Юқорида келтирилган классификацияларнинг салбий ва ижобий томонлари бор. Уларнинг бир-бирларини тўлдирадиган ёхуд бир-бирларига зид келадиган томонлари ҳам бор.