Soat bo`lgan ammiak ishlab chiqarish sexening metanni konversiyalash bo`limini loyixalash. Asosiy qurilma 1-bosqich co konvertori

Monodietanol bilan CO₂ni tozalash.

Konvertirlangan gazni monodietanolamin (MDEA) eritmasi bilan tozalsh quyidagi reaksiyaga asoslangan:

(OHCH₂CH₂)₂NCH₃ + CO₂ + H₂O→(OHCH₂CH₂)₂NCH₃ HCO₃

2(OHCH₂CH₂)₂NCH₃ + CO₂ + H₂O→ ((OHCH₂CH₂)₂NCH₃)₂CO₃

((OHCH₂CH₂)₂NCH₃)₂CO₃ + CO₂ + H₂O→2(OHCH₂CH₂)₂NCH₃HCO₃

Yuqoridagi reaksiyalar hammasi qaytardir. Reaksiya past temperatura va CO₂ ning parsial bosimi yuqori bo`lganda chapdan o`ngga boradi, ya`ni CO<sub>2</sub> ning eritmaga yutilish darajasi ortadi. Absorberdan so`ng 2 parallel joylashtirilgan regenerator-rekuperatorlar joylashtirilgan bo`lib ular yutilgan CO₂ ni eritmadan regeneratsiya qilib ajratadi.

Absorbsiya jarayonida MDEA ning 70-85 % li eritmasi ishlatiladi. Yuqori intensivlikka ega bo`lgan absorberda joriy qilingan jarayon parametrlari karbonizatsiyalashni muvozanat holatga yaqinlashtiradi.

MDEA eritmasida karbonizatsiya darajasining ortishi energiya sarfini kamaytirish hamda sistemada eritma sirkulyatsiyasini kamaytirish imkonini beradi.

Loyiha bo`yicha karbonizatsiya darajasi MDEA eritmasiga - 0,67 mol/mol MDEA ni tashkil etadi. Regeneratsiyalangan eritmada harorat 40<sup>0</sup> dan past bo`lganda (qish mavsumida) yutilish darajasi (0,7-0,72) mol СО₂/mol MDEA ga yetadi. Konvertirlangan gaz 2,8Mpa dan yuqori bo`lmagan bosimda, 50⁰C haroratda absorberda (301) 80-85 % li MDEA eritmasiga (35-42⁰C ) yuttirish uchun beriladi.

Absorbsiya jarayoni ko`p qatlamli tarelkali absorberda boradi. Absorber pastki va yuqorigi qismlarga bo`lingan bo`lib har ikkala bo`limdan gaz oqimi berib turiladi. Konvertirlangan gaz avval pastki qismda tozalanadi so`ng esa yuqori qismida CO<sub>2</sub> miqdori 0,03 % qolguncha tozalanadi. Bu yerda gaz qalpoqsimon tarelkalar orqali flegmadan o`tadi va gaz bilan birga chiqib ketayotgan eritma ushlab qolinadi. Absorbsiya bo`limidan chiqqan gaz (tozalanmagan AVA) metanlash bo`limiga keladi.