Sitrus inli kuyasi (Phyllocnistis citrella Stain.)

Sitrus inli kuyasi – Sitrus inli kuyasining ko‘payish manbai asosan issiqxona (parnik) xo‘jaliklari hisoblanadi, shu bois bu zararkunandalarga qarshi kurashni eng avval issiqxona xo‘jaliklarida kurashish choralarini yaxshi yo‘lga qo‘yish zarur. Issiqxona va ochiq maydonlarda sitrus ko‘chatlarni ekishda ko‘chatlar orasida havo oqimini taminlab, ularning siyrakligiga e’tibor berilsa hasharotlarning tarqalishining oldi olinadi.

Sitrus inli kuyasi – Sitrus inli kuyasining tuxumini yo‘qotish maqsadida ularning ko‘payadigan asosiy manbalarida trixogramma tarqatiladi, bunda har bir gektar hisobiga 50-60 ming donadan trixogramma 5-7 kun oralatib, 3 marta tarqatiladi. Sitrus maydonlarida sitrus inli kuyasi tuxumlarini yo‘qotishda trixogrammani gektariga 1,75 g hisobida uch karra chiqarish, ya’ni zararkunanda tuxum qo‘ya boshlaganda gektariga 0,5 grammdan, ikkinchi marta birinchisidan uch-besh kun oralatib gektariga 0,75 grammdan va uchinchi martasida ikkinchi chiqarishdan keyin uch-besh kun o‘tgach gektariga 0,5 grammdan tarqatishni tavsiya etiladi. Boshqa tadqiqotchilarning (K.Mamatov 2009) ko‘p yillik olingan ma’lumotlariga qaraganda, sitrus inli kuyasining tuxumiga qarshi kurashda trixogrammani 3 marta tarqatish 31,7 % samara bergan.

Sitrus inli kuyasi – Sitrus inli kuyasiga qarshi kimyoviy insektotsidlar sinab ko‘rildi. Eng samarali insektotsid sifatida vertimek (abalon, pilarmektin) qayd etildi – 0,5 l/ga. U to‘qima ichiga singish hususiyatiga ega bo‘lgani uchun bu hasharotga qarshi hozircha eng samarali bo‘lib qolayapti.
1-jadval