Sistemalar hám signallardı qayta islew

1-lekciya
Tema: “Sistemalar hám signallardı qayta islew” pánine kirisiw.Funkcional keńislikler hám olardıń bazisleri. Sızıqlı emes shınjırlarda terbelislerdi spektral analiz etiw
Joba:
1. Informatsiya, signal, elektr signalı.
2. Signallardı túrleri
3. Signallardı parametrleri.
4. Baylanıs kanalınıń parametrleri
5. Signallardı diskretlash.
6. Signallardı kvantlaw.
7. Signallardı kodlaw

Sistemalar hám signallardı qayta islew pánin studentlerge úyretiwden maqset telekommunikatsiya hám informaciya uzatıw sistemalarınıń ulıwmalasqan teoriyasın zamanagóy matematikalıq modellerdi qollap analiz etiw, sistemalarda paydalaniletuǵın túrli signallar, olardıń waqıt hám chastota funksiyaları kórinisindegi matematikalıq modelleri, signallarǵa cifrlı qayta islew usıllarınan paydalanıw kónlikpelerin payda etiwden ibarat.

Sistemalar hám signallardı qayta islew pánin oqıtıwdan maqset studentlerde telekommunikatsiya hám informaciya uzatıw sistemalarında paydalaniletuǵın signallardı analiz etiw, olardı tiykarǵı kórsetkishleri boyınsha salıstırıwlaw, qoyılǵan talap tiykarında signaldıń eń proporcionalın tańlaw, sistemalar hám olardı zamanagóy matematikalıq modelleri tiykarında analiz etiwge úyretiw, kónlikpe hám ilmiy tájriybelerin qáliplestiriwden ibarat.
1. 1. Informatsiya, signal, elektr signalı
Informatsiya - bul hár túrlı fizikalıq processler, deneler, tariyxıy hám kúndelikli hádiyseler haqqındaǵı xabar bolıp tabıladı.
Informatsiyani uzatıw ushın onı belgili bir formaǵa keltiriw kerek (tekst, keste, grafik, súwret, háreketdegi suwret, hám basqalar). Bunday payda bolıw nátiyjesinde informatsiya xabarǵa aylanadı. Xabardı keńisliktiń bir noqatınan ekinshi noqatına uzatıw ushın xabardı qandayda bir bir fizikalıq processge júklewimiz yaǵnıy onı signalǵa aylandırıwımız kerek.
Signal dep qandayda bir bir fizikalıq processtiń bir yamasa neshe parametrdi xabarǵa sáykes usılda ózgeriwine aytıladı.
Elektr signalı dep - elektr procesiniń bir yamasa bir neshe parametrin xabarǵa sáykes túrde ózgeriwine aytıladı.
Shawqım da tap signalǵa uqsap waqıt boyınsha ózgeriwshi process bolıp tabıladı. Biraq ol ózinde hesh qanday informatsiyanı almaydı. Sol sebepli ol signalǵa zıyanlı tásir etiwshi process bolıp tabıladı.

1.