Sirtqi fakultet “iqtisodiyot” kafedrasi ishlab chiqarish amaliyoti bo‘yicha hisobot I

Xulosa
O‘zbekiston Respublikasi Qurolli Kuchlarida Harbiy xizmatni bajarish xalqimizning o‘n ming yilliklar davomida to‘plagan urf-odatlari, an’analari, axloqiy me’yorlariga tayangan holda harbiy xizmatni tashkil qilish va o‘tash jarayonlarida harbiy xizmatchilarning axloqiy tarbiyasi shakllanadi. Harbiy xizmatchining Vatanga muxabbati, ma’naviy mas’uliyati, or-nomusi, g‘ururi va boshqa jixatlari kasbiy faoliyatning shart-sharoitlari, tashkil qilinishi, huquqiy asoslari va yo‘l-yo‘rig‘ini belgilab beradi hamda kundalik faoliyati jarayonida aniq va yaqqol ko‘zga tashlanadi. Harbiy xizmatni tashkil qilishning huquqiy-me’yoriy hujjatlari va yo‘riqnomalarida boshqa umuminsoniy axloqiy talablardan farqli o‘laroq mutaxassis uchun maxsus aniq talablar qo‘yiladi. Shu bilan birga, axloqiy me’yorlar bir tizimga keltirilib, qonun, nizom, buyruq va ko‘rsatmalarda qat’iy belgilab qo‘yiladi. Harbiy xizmatning vazifalari harbiy xizmatchilar faoliyatining o‘ziga xos ko‘rinishi bo‘lib, kasbiy extiyojlarni to‘ldiradi hamda an’ana, marosim va ko‘nikmalar, harbiy xizmatga bog‘lik ichki va tashqi fazilatlar, kishining o‘ziga xos xususiyatlarida namoyon bo‘ladi. Shuningdek, kundalik xizmat faoliyatini tashkil etish, xizmatni o‘tash, jangovar navbatchilik kabi harbiy xizmatga xos bo‘lgan jarayonlar ham asosiy o‘rin egallaydi. Harbiy qismdagi tartib-intizom harbiy jamoalardagi ma’naviy-ruxiy o‘zgarishlarda, ijtimoiy munosabatlar jarayonida, o‘zaro nizomiy munosabatlarda shakllanib boradi.
Shuni xulosa qilib aytish joizki, harbiy xizmat boshqa kasblardan o‘zining vazifalaridan kelib chiqqan jihatlari bilan ajralib turadi. Ya’ni, qonun-qoidalar, qat’iy xizmat tartibi, buyruq berish va bajarish, vatanparvar bo‘lish kabi omillarga tayanadi. Shunday ekan, ularning sharafli va muqaddas burchlari harbiy xizmatchilar oldiga aloxida burch va ma’suliyat talablarini qo‘yadi. Vatanparvarlik, insonparvarlik, xalqparvarlik kabi Vatan himoyachisiga xos bo‘lgan axloqiy me’yorlarni shakllantirishni taqozo etadi va harbiy xizmatchilarning xizmati jarayonida takomillashib boradi. Shu bilan birga, qahramonlik, mardlik, jasurlik, botirlik, o‘zaro ko‘makdoshlik kabi xususiyatlar ham harbiy xizmatchilarga xosdir.