Сирдарё Вилояти Халк таълими бошкармаси Сирдарё тумани 10-сон Болалар Мусика ва Санъат мактабининг

2015 йил «___» декабрь Бахт шахар газ филиали
бошлиғи Ж. Зоировга
Нусхаси: Сирдарё вилоят газ
таъминот бошқармаси
бошлиғи А. Хожиматовга

Бахт шахар А. Яссавий кўчасида жойлашган, Болалар мусиқа ва санъат мактаби ўқувчилари ота-оналари, Сизга шуни маълум қиладики, Ўзбекистон Республикаси Сирдарё вилояти Ҳокимининг 2015 йил 30 октябрдаги 219-сонли буйруғига асосан, Сирдарё вилояти Халқ таълими муассасаларида 2015-2016 йиллар куз-қишки иситиш мавсуми жорий йилнинг 1 ноябрдан бошлаб эълон қилинган.

Ўзбекистон Республикаси Президентининг 2008 йил 8 июлдаги «Болалар мусиқа ва санъат мактабларининг моддий –техник базасининг мустаҳкамлаш ва уларнинг фаолиятини янада яхшилаш бўйича 2009-2014- йилларга мўлжалланган Давлат дастури тўғрисида»ги ПК-910-сонли қарори асосида 2014 йил Сирдарё тумани Бахт шахри «Хазина» МФЙ ҳудудида 2-типдаги замонавий 2-қаватли Болалар мусиқа ва санъат мактаби «Икки миллиард етти юз эллик милион» сўмга давлатимиз томонидан қуриб фойдаланишга топширилди ва 750 миллион сўмга Республикамизда ва Хорижда ишлаб чиқарилган мусиқа асбоблари ва жихозлар билан таъминланди. Ҳаво ҳарорати пасайиши оқибатида бу мусиқа асбоблари ва жихозлари мутлақо яроқсиз ҳолга келиш эҳтимоли бор. Бугунги кунда Болалар мусиқа ва санъат мактабида 7 ёшдан 15 ёшгача бўлган 234 нафар ўқувчилар мусиқа ва санъат сирларидан тахсил олмоқдалар. Синф хоналари совуқлиги фарзандларимизни сифатли билим олишига таъсир қилмоқда. Иситиш мавсуми 1 ноябрдан бошланганлигига қарамай мактабга шу кунгача табиий газ етказиб берилмади. Бахт ш. газ филиали ва БМСМ ўртасида 2015 йил 15 апрелдаги № 124-сонли шартнома қилинган ва олдиндан 1 000 000 (бир миллион) сўм тўланган, бўлишига қарамай шу кунга қадар шартнома шартлари бажарилмаяпди. Болалар мусиқа ва санъат мактаби фақат табиий газга мослашганлиги туфайли, бошқа ёқилғидан фойдаланишни иложи йўқ. Юқорида қайд этилган ҳолатларни инобатга олиб, газ билан таъминлаш чораларини кўришингизни ва кўрилган чоралар бўйича хатимизга ёзма равишда жавоб беришингизни сўраймиз.