Sinxron tarjima

1. O‘quv fani o‘qitilishi bo‘yicha uslubiy ko‘rsatmalar.

“Sinxron tarjima” fani talabalarga tarjima qilish san’ati haqida ma’lumot berish, shuningdek, mustaqil ravishda matn tarjima qilishga, shunigdek, tarjima amaliyoti fani predmeti va vazifalari haqida tasavvur hosil qilish, mustaqil ravishda biror-bir funksional uslubga oid tarjima qilish malakasiga ega bo‘lish hamda tarjima shakllari va janrlari haqidagi bilimga ega bo‘lishni o‘rgatish vazifalarini bajaradi.

Fan bo‘yicha talabalarning bilim, ko‘nikma va malakalariga quyidagi talablar qo‘yiladi. Talaba:

• 
  asosiy sharq tilining fonetik tizimi va morfologik tuzilishi, asosiy sharq tilidan ona tiliga va ona tilidan asosiy sharq tiliga tarjima qilish amaliyoti spesifikasi va stilistik xususiyatlari, me’yoriy grammatik asoslari, asosiy sharq tilining dialektik xilma-xilligi to‘g‘risida tasavvurga ega bo‘lishi;
  
• 
  asosiy sharq tilining yozma va og‘zaki shakllari, uning leksik-grammatik xususiyatlari, gap tartibi, sodda va qo‘shma gaplar, so‘z birikmalari, frazeologik iboralar, soha atamashunosligi xususiyatlarini bilishi va ulardan foydalana olishi;
  
• 
  asosiy sharq tilida muloqot qilish, nutq so‘zlash, asosiy sharq tilida chet ellik mutaxassislar bilan muayyan sohalarda va umumiy masalalarda to‘laqonli jonli muloqot olib borish ko‘nikmalariga ega bo‘lishi kerak.