Sintaksis. So’z birikmasisintaksisi

Teng bog’lanish haqida ma’lumot 1. So’zlarning o’zaro teng bog’lanishi so’z qo’shilmasini yuzaga keltiradi. 2. Teng bog’lanish quyidagi vositalar yordamida amalga oshadi: a) teng bog’lovchilar yordamida; M: urf-odat hamda an’analar; baland, ammo mayin ovoz; Dildora yoki Sarvinoz; na o’qiydi, na yozadi.b) teng bog’lovchi vazifasidagi bilan ko’makchisi yordamida; M: Salim bilan Sherzod; dil bilan til d) teng bog’lovchi vazifasidagi yuklamalar yordamida; M: oy-u quyosh, qadr ham izzat e) Grammatik vositalarsiz, sanash ohangi yordamida; M: olma,o’rik, shaftoli 3. Ba’zan teng bog’lanishda komponentlar soni ikkidan ortiq bo’lsa, yuqoridagi vositalar birdan ortiq qo’llanishi mumkin. M: Abdusattor, Qahramon, Botir va men 4. So’zlarning o’zaro teng bog’lanishi so’z qo’shilmasini, gap tarkibida esa uyshiq bo’laklarni yuzaga keltiradi. Gaplar ham o’zaro teng bog’lanishi mumkin. gaplar o’zaro teng bog’langanda bog’langan qo’shma gap yuzaga keladi. 5. Teng bog’lanish badiiy adabiyotda ta’did san’atini yuzaga keltiradi. M: Tugandi sabri, oromi, qarori