Sintagmatika kombinator lingvistikaning asosi

Kombinator matematika — matematikaning chekli to‘plamlar ustida bajariladigan amallarni o‘rganadigan bo‘limi bo‘lsa, tilshunoslik kombinatorikasi esa, tilning barcha sathlarini qamrab oladi va «barcha til birliklarini tashkil etishning asosiy tamoyillari, mavjudlik shakli, rivojlanishi va o‘zaro ta’siri sanaladi [10: 5. 7]». Kombinatorikaning asosiy elementlaridan «sintagmatika va kombinatorika» til birliklarining berilgan ma’noni ifodalashiga ko‘ra chiziqli ketma-ketlikda joylashadi. Kombinatorika sintagmatika bilan kesishadi va shu bilan birgalikda ma’lum bir cheklovlarga ham ega bo‘ladi:

Ma’lum mazmunni ifodalash uchun 1) kommunikativ masalalarni yechish; 2) shu masalalarni yechish sharoitini amalga oshirish; 3) aniq til birligini tanlash zarur. Shuning uchun, til birliklarining kombinatorikasi shartli ekstralingvistik vaziyatlar, fikrni bayon qilish maqsadi (mazmun) kabi masalalarning yechimi orqali anglashiladi. Kommunikant kommunikativ niyatini ifodalash uchun til birliklarining jamlamasidan bir necha birlikni saralab oladi. Shunday qilib, til birliklarining ketma-ket «zanjiri» hosil bo‘ladi va nutqiy sintagmatikaga o‘tadi. Kombinator lingvistikaning asosi tayanch tushunchalar til birliklarining sintagmatik aloqasi va kombinator potensiali zamirida yuzaga keladi. Ammo shuni ta’kidlab o‘tishni joiz deb bilamizki, bugungi kunda kombinatorika va sintagmatika terminlari nafaqat kombinator lingvistika, balki korpus, kompyuter, kognitiv tilshunoslik, psixolingvistika kabi sohalarda keng qo‘llanilmoqda.
Adabiyotlar
1.Ҳожиев А. Тилшунослик терминларининг луғати. – Тошкент: «Ўзбекистон миллий энциклопедияси» Давлат илмий нашриёти, 2002. - Б.115.
2.^. Турниёзов Н., Турниёзова К., Хайруллаев Х. Структур синтаксис асослари. – Тошкент: Фан, 2009. – Б.60.
3.Сова Л.З. Аналитическая лингвистика. - Москва, 1970. - С. 97.
4.Шутова Е.И. Вопросы теории синтаксиса. - Москва, 1984. - С.51.
5.Солнцев В.М. Язык как системно-структурное образование. - Москва, 1971. - С. 68.
6. Степанов Ю.С. Основы общего языкознания. - Москва, 1975. - С. 227.
7. Соссюр Ф.де. Труды по языкознанию. - Москва,1977. – С.156.
8.Бушуй Т., Сафаров Ш. Тил қурилиши: таҳлил методлари ва методологияси. – Тошкент: Фан, 2007. – Б. 30.
9. Расулов Р. Умумий тилшунослик. 1-қисм. – Б.84.
10. Маковский М.М. Лингвистическая комбинаторика: опыт топологичесчкой стратификации языковых структур. – Москва: КомКнига, 2006. – С.5-7.