Sinf: O‘qituvchi

Darsda foydalaniladigan metodlar: aralash.
Dars jihozlari: xushtak, bayroqcha, sekundomer, slaydlar, sport anjomlari.
Kompetensiya: doimiy ravishda o‘z-o‘zini jismoniy, ma’naviy, ruhiy, intellektual va kreativ rivojlantirish, kamolotga intilish.

№	Darsning borishi	Vaqt	Uslubiy ko‘rsatma
Tashkiliy qism
1	Tayyorlov qismi. O‘quvchilarni saflash, salomlashish, navbatchi o‘quvchi axborotini tinglash, davomatni aniqlash, darsda qatnasha olmaydigan (kasal) o‘quvchilarni aniqlash.	5 daqiqa	O‘quvchilarning sport kiyimiga e’tibor berish
2	Saf mashg‘ulotlari. Mashg‘ulotlarni turgan joyda bajarish, joyida tomonlarga burilish, yurish.		Gavdani tik tutishga e’tibor qaratish
3	Umumrivojlantiruvchi mashqlarni bajarish.		Mashqlarni to‘g‘ri va mukam-mal bajarilishiga erishish
O‘tilgan mavzuni takrorlash
1	O‘tgan darsda shaxmat saboqlari haqida olingan nazariy bilimlarni mustahkamlovchi savol-javob o‘tkazish.	5 daqiqa	Nazariy bilimlarning to‘gri anglashi va mashq(lar)ni to‘liq va to‘g‘ri bajarishiga e’tibor berish
2	O‘tgan darsda shaxmat saboqlari haqida olingan amaliy bilimlarni mustahkamlovchi topshiriqlarni bajartirish.
Asosiy qism
1	Yangi mavzuni tushuntish. O‘quvchilarga yangi suzish mavzusi yuzasidan nazariy va amaliy bilimlar berish. O‘zbekiston o‘zining anhorlari, kanallari, ko‘llari, daryo va sun’iy suv havzalariga ega bo‘lgan serquyosh o‘lkadir. Sirdaryo, Amudaryo, Zarafshon, Chirchiq, Bo‘zsuv, Angren, Oqdaryo, Qoradaryo kabi daryolar sohillarida yashagan aholi qadimdan hayotiy zarurat bo‘lgan suzishni o‘rganganlar. Yurtimizda suzish sportining boshlang‘ich davri 1924-1925-yillarga to‘g‘ri keladi. 1930-yili Тoshkentda, Andijonda yangi turdagi suvi isitiladigan 50 metrli suv havzasi (basseyn) qurildi va musobaqalar o‘tkazila boshlandi. 1939-yilga kelib O‘zbekiston suzish federatsiyasi tuzildi. 1949–1955- yillar mobaynida Andijon, Тoshkent, Namangan, Qo‘qon shaharlarida 25 metrli basseynlar qurilib, ishga tushirildi va ular qoshida suzish bo‘yicha bolalar va o‘smirlar sport maktablari ochildi. Ko‘p o‘tmay suzuvchi sportchilarning safi kengaydi. Ular orasida Yuriy Frolov 1954-yili 200 metrga batterflay usulida suzish bo‘yicha mamlakat chempioni va rekordchisi bo‘ldi. 1960-1964-yillarda Svetlana Babanina 100 metrga brass usulida suzib, ikki marta jahon rekordini o‘rnatdi. Natalya Ustinova bilan birga Тokio olimpiadasida qatnashdi. Mustaqillikka erishganimizdan keyin suzish sporti yanada rivojlandi. Bizning sportchilarimiz Osiyo, jahon chempionatlari va Olimpiya o‘yinlarida muntazam qatnashib kelmoqdalar. Suzishning ayrim usullari bilan tanishing: 1. Ko‘krakda krol usulida suzish. 2. Brass usulida suzish. 3. Chalqancha krol usulida suzish. Suzishni o‘rganish uchun quruqlikda beriladigan umumrivojlantiruvchi va maxsus jismoniy mashqlarni bajarish kerak. Bunda suzishga oid usullarning harakatlarini bajarasiz. Masalan, gimnastika o‘rindig‘iga ko‘krak bilan yotib krol usulining harakatlarini bajarish mumkin va hokazo.	20 daqiqa	O‘z-o‘zining xavfsizligini ta’minlash qoidalariga rioya etish. Bajarilishi kerak bo‘lgan shartlarni ko‘rsatib, tushuntirib berish.