Sinf: 3''A''

Amina:
“Boburnoma” asari nafaqat o`zbek adabiyoti,balki jahon adabiyoti,
balki jahon adabiyotining nodir namunasi sanaladi.Bu memuar (esdalik)asarida bobur o`n ikki yoshda taxtga chiqishidan boshlab umrining oxirigacha boshidan o`tkazganlarini,ko`rgan-kechirganlari,guvohi bo`lgan voqealarni siyosatchi,davlat arbobi,olim,sayyoh va shoir nigohi bilan tahlil etadi.Shuning uchun bu asar tarix,etnografiya,geografiya,tilshunoslik,adabiyotshunoslik va boshqa fanlar uchun birday manba bo`la oladi.”Boburnoma” ning o`zbek nasri taraqqiyotidagi o`rni beqiyosdir.
Shohrux:
”Boburnoma”da O`rta osiyo, Afg`oniston,Hindiston va Eron xalqlari tarixi, geografiyasiga oid muhim ma`lumotlar berilgan.Avval Andijon haqida mufassal ma`lumotlar keltiriladi.So`ngra voqealar jarayoni Afg`oniston va Hindistonga ko`chadi.Asarda joy nomlari,hayvonot va o`simliklar dunyosiga,tarixiy siymolar tafsilotiga keng o`rin ajratilgan.Bu asar dunyoning ko`pgina tillariga tarjima qilingan.
Otabek:”Boburnoma”haqida she`r aytadi
Inson yashay olmas bu qadar,
Ne sinovlar yog`dirmish falak.
O,bu tarix yurakni o`rtar
Boburnoma-qadimiy ertaSaf-saf bo`lib lashkar yurishi,
Tog`dan-tog`ga misli afsona.
Urish qilmoq taqdirning ishi,
Boburnoma balki jangnoma.
Turfa olam turli fe`l atvor,
Taqdirlari zayli zamona.
Do`stlar ichra qolarsan nochor,
Boburnoma,balki pandnoma.
Bu safardir o`tib tog`u cho`l,
Iqlimlari senga begona.
Hayratlarga limmo-lim bu yo`l,
Boburnoma-sayohatnoma.
Har ne ta`rif yarashgan unga,
Tirik tarix parchasi go`yo.
Sahfalardan talpinar senga
Hazrat Bobur kashf etgan dunyo!
O`qituvchi:
Bobur bundan tashqari yana qanday asarlar yozgan?
Muxlisa:
U avlodlarining ilm o`rganishini nazarda tutib,turk xalqlari uchun arab alifbosining o`qilishi va yozilishi murakkabligini o`z vaqtida anglab yetgan. Xalqning savodxonligini oshirish uchun o`zi alifbe tuzgan.”Xatti Boburiy”arab alifbosidan ancha sodda bo`lgan.Bu holat Boburning ma`rifatli bo`lganligini isbotlaydi.
Zarina:
Bobur o`zbek va fors tillarida ijod etgan zullisonayn shoirdir.U ona tilida yozgan she`rlarini to`plab,1519-yildaKobulda,1528-1529-yillarda Hindistonda devonlar tuzgan. Bu ikki to`plam o`sha joylar nomi bilan”Kobul devoni”,”Hind devoni”deb ataladi.Kobul devoni topilgan emas.Mutaxassislarning fikricha,saqlanib qolgan she`rlarining soni to`rt yuzdan ortiq.Shundan 119tasi g`azal, 231tasi ruboiy.