Симуляция деганда нимани тушунасиз?

Топшириқлар

1. 
   Симуляция деганда нимани тушунасиз?
   

Симуляция - инглиз тилида simulation сўзидан олинган, рус тилида эса симуляция сўзидан олинган бўлиб, таржима қилинганда ҳаётий вазиятларни ўқув жараёнида яратиш (тиклаш) маъносини англатади.
Симуляция — механик, электрон виртуал модуллардан фойдаланган ҳолда маълум жараённи тақлид қилишдир.

2. 
   Симуляцион таълимнинг мақсади нима?
   

Симуляцион таълимнинг мақсади — профессионал фаолият учун зарур бўлган амалий кўникмалар ва қобилиятларни шакллантириш ва профессионал стандартлар ва малака талабларига мувофиқ мутахассислик ваколатларини шакллантириш, такомиллаштириш ва назорат қилишдир.

3. 
   Симуляцион таълим деганда нимани тушунасиз?
   

Симуляцион таълим — бу реал моделлаштиришга асосланган амалий кўникмаларни, қобилиятларни ўқитиш ва баҳолашнинг замонавий технологияси, ишлаб чиқариш ҳолатини симуляция қилишдир.

4. 
   Симуляцион таълим технолгияси деганда нимани тушунасиз?
   

“Симуляцион таълим технологияси” — имитацион ўқув жиҳозларидан фойдаланиб таълим олувчиларда касбий кўникма ва малакани шакллантириш жараёни ўз ичига олади.
Симуляция таълим технологиялари ёрдамида ўқитиш иш жойида амалий машғулотларнинг анъанавий шаклларини ўрнини боса олмайди. Бироқ, бир қатор амалий кўникма ва малакаларни устахонада эмас, балки олдиндан ишлаб чиқариш босқичида, симуляция марказида ўзлаштириш мақсадга мувофиқ ва самаралидир.
Симуляцион таълим ҳар бир талабанинг профессионал фаолиятини ёки унинг элементини профессионал стандартлар ва қоидаларга мувофиқ бажариш учун профессионал фаолият моделини қўллайдиган профессионал тренингда мажбурий компонент ҳисобланади.

5. 
   Симуляцион марказ нимади?
   

Профессионал таълим муассасалари базасида замонавий ўқитишни жорий қилиш учун, “симуляцион марказлар” фаолиятини йўлга қўйишга тўғри келди.
Симуляцион марказларда махсус имитацион ўқув жиҳозлари жойлаштирилган бўлиб, тингловчилар аввал бу ускуналарда ўз малакаларини оширадилар, сўнгра амалий мустақил бажара олишлари мумкин бўлади.

6. 
   Симуляцион машғулотнинг мақсади нима?
   

Симуляцион машғулотнинг мақсади — Касбий фаолият учун зарур бўлган амалий кўникма ва малакаларни симуляция орқали шакллантириш, такомиллаштириш, назорат қилиш, малака талабларига мувофиқ тегишли касбий мутахассис компетенциясини ҳосил қилишдан иборат.
Симуляцион профессионал таълимда ўқув соатлари шундай тақсимлаш лозимки, ўқувчининг назарий тайёргарлик билан амалий фаолиятни амалга ошириш бир-бирига узвий боғлиқлиги таъминланади. Бу жараён оддийдан мураккабга ва амалиёт базасигача кўп босқичли кўникмалар хосил қилиш жараёнини ўз ичига олади

7. 
   Симуляцион таълим тамойилларини айтиб беринг?
   

- ўқитишнинг аниқ мақсад ва вазифаларининг мавжудлиги;
- симуляцион таълимни амалдаги профессионал таълимнинг барча даражалари билан интеграциялаш (уйғунлаштириш);
- Амалий фаолиятни бошлашдан аввал симуляцион таълимда ўрганиб тажриба орттириш талаб этиладиган амалий машқлар руйхатини шакллантириб қонунийлаштириш;
- Қонунийлик мазкур йўналиш ривожланиб бориши билан такомил лаштириб борилиши мақсадида эгилувчан(мослашувчан) бўлиши;
- Симуляцион таълим якунида ўзининг мутахассислиги бўйича етарли компетенцияга эга бўлганлиги тўғрисида хулоса қилишга асос бўладиган махсус синов (аттестация) натижалари асосида асосий фаолиятга киришишига рухсат бериш;
- Симуляцион таълимда баҳолаш тартибининг ягона тизимда амалга оширилиши;
- Симуляцион таълим иштирокчилариниг фаоллиги мониторингини олиб бориш.

8. 
   Симуляцион таълимни олиб бориш учун ўқитувчи қандай олиб боради?
   

Симуляцион таълимни алоҳида махсус тайёргарликдан ўтган педагог –ўқитувчилар олиб бориши мақсадга мувофиқдир. Улар амалиётдаги мутахассислар билан ҳамкорликда турли хил вазиятлар учун сценарийлар ишлаб чиқиши, методик ишларни ташкил қилиш, инженер-техник ходимлар билан ўқув воситалари билан ишлаш жараёнида техника хавфсизлик қоидаларини таъминлаш қоидаларига амал қилишлари лозим.

9. 
   Инновацион педагогик жамоани қандай шакллантириш лозим?
   

Инновацион педагогик жамоани шакллантириш учун малака оширишга 3 йилдан ортиқ бормаган педагогларни малака оширишга юбориш керак. Чунки ҳозирда малака ошириш марказларида педагоглар учун замонавий педагогик технологиялар бўйича модуллар жойлаштирилган. Бу берилаётган дарслар педагогларни инновацияларга бой қилишга ёрдам беради.